Мавзу: Жисмоний тарбия мутахассисларининг касбий маҳоратларини такомиллаштириш

Cyхбam савол-жавоб шаклида ўтказилади. Ўқитувчи йўлловчи саволлар ёрдамида материални ўзлаштириш даражасини аниқлайди, шунингдек, талабаларда ўз фикрларини айтиш истагини қўзғайди. Буйруқ ва қарор. Талабалар жисмоний машқларни бажараётганларида ва дарсни ўтиш жараёнида ўқитувчи раҳбарлик қилиш учун буйруқ ва қарорларидан фойдаланади.
Кўрсатмалар Таълим муассасаларининг барча синфларида машқларни бажаришда қўлланилади. Кўрсатмалар бутун гуруҳга ёки бир талабага тегишли бўлиши мумкин.
Кўргазмали услуб шакллари: Машқни кўрсатиш. Таълим услублари ичида энг тушунарлиси кўрсатиш услуби ҳисобланади. Кўргазмали услубларда машқларни кўрсатиш етакчи ўринни эгаллайди. Умуман кўргазмалиликни қўлланиш, хусусан кўрсатиш кичик ёшдаги талабаларни ўқитишда зарурдир. Кўрсатиш жуда самарали бўлиш учун болаларни яхши уюштириш ва улар кузатишлари учун шароит яратилиши лозим. Машқлар барча талабаларга яхши кўринадиган жойдан туриб намойиш этилиши керак. Кўрсатиш ва тушунтириш турли вариантларда бирга қўшиб олиб борилади:

1. 
   дастлаб машқ намойиш этилади, сўнг тушунтирилади;
   
2. 
   дастлаб машқ тушунтирилади, сўнг намойиш қилинади;
   
3. 
   намойиш тушунтириш билан бирга олиб борилади.
   

Кўргазмали қуроллардан фойдаланиш. Ҳаракатлар ҳақида тўғри тасаввур ҳосил қилдириш учун кўпинча кўргазмали қуроллардан фойдаланилади. Кўргазмали қуроллар суратлар, жадваллар, расмлар, фотосуратлар бўлиши мумкин. Уларни дарсда ўқитувчи раҳбарлигида ёки, агар улар синфда ёки залда осиб қўйилса, дарсдан ташқари вақтда мустақил равишда кўриб чиқиш мумкин.
Амалий услуб шакллари: Амалий услубда талабалар ҳар бир ҳаракатни амалда бажарадилар, кўрсатадилар, такрорлайдилар. Таълимнинг асосий вазифаси шуғулланувчиларда мустаҳкам ҳаракатланиш кўникмаларини шакллантиришдан иборат. Бу вазифани ҳал этиш учун ўрганиладиган ҳаракатларни кўп марталаб такрорлаш зарур. Ўрганиладиган ҳаракатларни режали равишда машқ қилиш болаларга жисмоний тайёргарликнинг энг юқори натижаларига эришишларда ёрдам беради, уларни соғлом қилади, билимини оширади.
Мусобақа такомиллаштириш услуби сифатида талабаларда бир қадар малака хосил бўлганидан кейингина қўлланилади. Мусобақада ўқув материалини ўтиш давомида энг яхши жамоалар, гуруҳлар ёки айрим талабалар аниқданади.