Мавзу: Ислом (8 соат) Режа Исломнинг вужудга келиши

Худайбия аҳдномаси
Худайбия - Маккадан Жидда шаҳрига борадиган йўлда 15-20 километр масофада жойлашган қадимги қудуқ. Ўз мавқеини мустаҳкамлаб олгач, Муҳаммад 1000 киши билан бирга 628 йил 13 мартда ҳаж-умрага боради. Пайғамбар йўлга фақат қилич таққан кишилар билан эҳромда чиқади, бу уруш қилиш нияти йўқлигини билдиради.
Маккаликлар қўшин тўплаб пайғамбарни Маккага киритмаймиз, деб туриб олгач, Худайбияда Мадина билан Макка вакиллари аҳднома тузишади ва бу тарихда «Худайбия аҳдномаси» деб ном олган. Унга асосан Макка билан Мадина 10 йил давомида бир-бири билан урушмаслик, карвонларга ҳужум қилмаслик, хоҳлаган бошқа гуруҳлар билан аҳдлашаверишга келишилган.
Муҳаммад 10 минглик қўшин тўплаб 630 йил январ ойининг бошида Маккага юриш бошлайди. Пайғамбарнинг ягона тирик қолган амакиси Ал-Аббос йўлга чиқиб уни кутиб олади ва исломни қабул қилади. Макка деярли жангсиз олинади.
Муҳаммад Макка задогонларидан уч-тўрт кишини ўз вазифасида қолдиради, аввал унга душманлик қилган беш-олти кишини жазолайди. Эртасига сафо тепалигига чиқиб ўлтирган ҳолда Макка аҳлининг унга бўйсунганлиги тўғрисидаги қасамни қабул қилади. Улар Исломнинг барча талабларини бажаришга қасам ичадилар. Шундай қилиб 630 йил январда бутун Арабистонда янги дин - ислом вужудга келади, араб қабилалари бирлашадилар.
Кўп ўтмай Маккадан шарқда жойлашган Тоиф ва Ҳунайин воҳаларида исломга қарши бўлган қабилалар 20 мингдан ортиқ лашкар тўплаб жангга тайёрланаётганлиги ҳақида хабар олинади. Муҳаммад пайғамбар 12 минг аскар билан жанг қилиб душманни енгади.
631 йилнинг мартида ҳажга пайғамбарнинг ўзи бормай Абу Бакрни бошлиқ қилиб юборади. Шундан кейин нозил бўлган 9-ат-Тавба сурасининг матнини ёздириб, Али орқали Абу Бакрга жўнатади ва уни Али Мино водийсида ҳожиларга ўқиб беради.
631 йилда Муҳаммад пайғамбар Арабистоннинг айрим ҳудудларида пайдо бўлган сохта пайғамбарлар (Асвад, Мусай-лима, Тулайха, Сажжах)га қарши кураш олиб боради.