Мавзу: Ислом (8 соат) Режа Исломнинг вужудга келиши

2) Намоз - иккинчи асосий маросимдир
3) Рўза ва рўза ҳайити - исломнинг яна бир фарз маросимидир. Рўза тутиш ҳам барча мусулмонлар учун мажбурий. Ундан эмизадиган ёш болали оналар, оғир беморлар, сафарда юрган кишилар, ақли-ҳуши ўзида бўлмаган шахслар озод этилади. Рўза ўғил болаларга 12 ёшдан, қизлар учун эса 9 ёшидан тутиш буюрилган.
4) Закот - ислом фарзларидан бири. У диний аҳамиятга эга бўлибгина қолмай, балки муҳим ижтимоий аҳамиятга ҳам эгадир. Закот - бу мусулмонларнинг бойликлардан фақиру мискинларга берилиши шарт бўлган Аллоҳнинг ҳаққи. Ислом таълимотига биноан садақа, яъни хайру-эҳсон икки хил бўлади: ихтиёрий ва мажбурий. Закот берилиши шарт бўлган мажбурий садақа ҳисобланади. Закот садақагина бўлиб қолмасдан, балки у ибодатдир. Ҳар бир мусулмон ибодат қилмаслиги мумкин бўлмаганидек молу дунёси маълум миқдорга етгач Ислом аҳлининг закот бермасликка ҳеч бир ҳаққи йўқ.
Ислом қуйидаги моллардан закот олишни тайин қилган:

•  Тилла, кумуш, қоғоз пулларидан;
• Ердан олинадиган ҳосиллардан;
• Мевали дарахтларнинг меваларидан;
• Савдо молларидан;
• Чорвалардан;
• Ер ости бойликларидан ва хазиналаридан.

5) Ҳаж ҳам исломдаги мажбурий фарз рукнъларидан биридир. Ҳажга Макка ва Мадина шаҳарларига борилади. 10 дан ортиқ ҳаж маросимлари адо этилади. Ҳажга кучи етадиган, соғлом, ҳаж ҳаражатлари оиласи, қариндошлари эҳтиёжидан ортган шахсларгина бориши мумкин. Ҳаж катта ва кичик ҳажларга бўлинади. Кичик ҳаж умра дейилади.