Мавзу: Илк ўзбек алифбосининг вужудга келиши

Ayrim harflar imlosida unli va undosh tovushlarni aks ettiruvchi har bir harf sharhlanadi. Masalan: и harfi quyidagicha tavsiflanadi: бир, биз, бил kabi so‘zlarda qisqa aytiladigan “и” unlisi o‘rnida, муҳит, лирика kabi so‘zlarda cho‘ziqroq aytiladigan “и“ unlisi o‘rnida yoziladi. Билан, бироқ, сира kabi so‘zlarning birinchi bo‘g‘inida “и” tovushi juda qisqa aytilsa ham, shu tarzda yoziladi. Фикр, зикр, қисм, жисм kabi o‘zlashma so‘zlardagi oxirgi undoshdan oldin “и” aytilsa ham, arab yozuvi an’anasiga ko‘rayozilmaydi.
So‘z o‘zagining oldingi ochiq bo‘g‘inida lablanmagan old qator unlilari и, э, а dan biri bo‘lsa, keyingi yopiq bo‘g‘inda “и” yoziladi: кейин, ивит va hokazo.
и unlisidan tashqari, у, о, а, э, ў unlilarning imlosi ham so‘zlarda o‘ziga xosligibilan ajralibturadi.
Shuningdek, talaffuzi farqli ayrim undoshlarning yozuvdagi grafik tasviri bir xil. Masalan: журнал, экипаж, богаж, гараж kabi o‘zlashma so‘zlardagi sirg‘aluvchi undosh ham ж tarzida yoziladi. Аждар, мужда, сажда kabi so‘zlarda qo‘llangan sirg‘aluvchi undosh ham j harfi orqali yoziladi (Bu holyangi alifbo-imlomizdaham aynan).
О‘zak-negiz va qo‘shimchalar imlosida so‘z va unga qo‘shimcha qo‘shilishi bilan bog‘liq imlo qoidalari sharhlanadi. Masalan: улуғ so‘ziga -ай qo‘shimchasi qo‘shilganda, talaffuzda o‘zak tarkibidan keyingi у tushib qoladi va bu so‘z shu tartibda yoziladi. Ya’ni: улғай va hokazo.
Qo‘shma so‘z va so‘z birikmalari imlosi. Bu bo‘limda rus grafikasiga asoslangan o‘zbek yozuvida qo‘shma so‘z va so‘z birikmalarining yozilish qoidalari sharhlanadi. Masalan: bir urg‘u bilan aytiluvchi va bir tushunchani anglatuvchi кўзойнак, ошқозон kabi qo‘shma so‘zlar qo‘shib yoziladi va hokazo.