Mavzu: Hujayra devori, Sitoplazma,Vakuol, Plastidalar, Mitoxondiriyalar, Ribosomalar

Xloroplastlar. Uning rangi yashil, uzunligi 5-10 mkm, dm 2-3 mkm atrofida bo’lib bargning bitta hujayrasida 15-20dona yoki undan ko’proq miqdorda bo’lishi mumkin.Ularning tarkibida xlorofill va karotinoid pigmentlari bo’lib fotosintezda faol ishtirok etadi. Boshqa plastidalar kabi xloroplastlar ham tashqi va ichki membranalar bilan o’ralgandir.Xromoplastlarning ichki gomogen muhiti stroma deyiladi. Xloroplastlarning ichki membranasi tilakoidlarni hosil qiladi.Agarda tilokoidlar bir necha qavat bo’lib joylashsa, gran tilokoidlari deyiladi. Granlarni bir biri bilan tutashtiruvchi tilakoidlar stromalar tilakoidlari deyiladi. Tilakoidlar membranasida yashil(xlorofill), sariq va qizil (karotinoidlar) pigmentlar va boshqa yorug’lik energiyasini yutilishini va foydalanishini ta‘minlovchi komponentlar joylashgandir.