Mavzu: Havo kemalariga xizmat ko’rsatish texnik hududi

TOSHKENT DAVLAT TRANSPORT UNIVERSITETI



Mustaqil ish


Mavzu: Havo kemalariga xizmat ko’rsatish texnik hududi

Bajardi: Abduraximov A.

Toshkent-2023
O‘zbekiston Respublikasining aeroportlari va havo hududida havo kemalariga xizmat ko‘rsatish uchun yig‘im, tariflarni shakllantirish va undirish
QOIDALARI
Mazkur Qoidalar O‘zbekiston Respublikasining Havo kodeksi, O‘zbekiston Respublikasi Prezidentining 2018-yil 27-noyabrdagi PF-5584-son “O‘zbekiston Respublikasi fuqaro aviatsiyasini tubdan takomillashtirish chora-tadbirlari to‘g‘risida”gi va 2019-yil 13-avgustdagi PF-5781-son “O‘zbekiston Respublikasida turizm sohasini yanada rivojlantirish chora-tadbirlari to‘g‘risida”gi farmonlari hamda Xalqaro fuqaro aviatsiyasi tashkiloti (IKAO) tavsiyalariga muvofiq O‘zbekiston Respublikasida parvozlarni amalga oshiruvchi havo kemalariga xizmat ko‘rsatish uchun aeroport va aeronavigatsiya yig‘im va tariflarini shakllantirish hamda undirish tartibini belgilaydi.
1-bob. Umumiy qoidalar
1. Mazkur Qoidalarda quyidagi asosiy tushunchalardan foydalaniladi:
aeronavigatsiya xizmatlarini ko‘rsatish (aeronavigatsiya xizmatlari) ― havo kemalari ekspluatantlariga havodagi harakatga xizmat ko‘rsatishni ta’minlash bo‘yicha xizmatlarni taqdim etish;
O‘zbekiston Respublikasi havo hududida havo kemalari parvozlariga aeronavigatsiya xizmatlarini ko‘rsatish (tranzit foydalanishda);
O‘zbekiston Respublikasi fuqaro aviatsiyasi aerodromlari hududida havo kemalariga yo‘nalishda (yaqinlashishda) va uchish-qo‘nishni ta’minlashda ko‘rsatiladigan xizmatlardan iborat aeronavigatsiya xizmatlarini ko‘rsatish;
maksimal uchish massasi (vazni) (MTOW) ― havo kemasining tonnalarda aks etgan, ikki o‘nlik belgisigacha yaxlitlangan sertifikatlangan uchish vazni;
havo kemalariga yer usti xizmatlarini ko‘rsatish ― havodagi harakatga xizmat ko‘rsatishdan tashqari, havo kemasi aeroportga uchib kelishi va aeroportdan uchib ketishi uchun zarur bo‘lgan xizmatlarni ko‘rsatish;