Mavzu; Farg'ona mintaqasi Reja; kirish Farg'ona iqtisodiy rayonining ichki tuzilishi va Respublikada tutgan o'rni

Агроиқтисодиёт. Деҳқончилик ялпи қишлоқ хўжалик маҳсулотини 58,7 фоизни ташкил қилади (2000 й.). Вилоятнинг экин майдони қуйидаги чизмада келтирилган.
Жами экин майдони 230 минг гектарга яқин. Унинг асосий қисми ғалла (буғдой) ва пахта билан банд (8­чизма). 1998 йилга қараганда ғалла ва пахта майдонлари бироз қисқарган, ем­хашак ҳамда сабзавот экиладиган ерлар эса бунинг ҳисобидан кўпайган.
2000 йилда 320 минг тонна ғалла (300 минг тонна атрофида буғдой), 240 минг тоннадан ортиқ пахта, 57,4 минг тонна узум ва бошқа маҳсулотлар етиштирилган. Вилоятмамлакатнинг 10 фоизга яқин картошкасини беради. Пиллачилик ҳам яхши ривожланган (2500 тонна пилла).
Шу йилда йирик шохли моллар 350 минг бошқа яқин, жумладан сигирлар 140 минг, қўй ва эчкилар 480 минг бош бўлган.
Пахта вилоятнинг жанубий қисмида, боғдорчилик ва узумчилик тоғолди районларда, қўй ва эчки боқиш кўпроқ ғарбда–Поп ва Чуст туманларида жойлашган. Умуман қишлоқ хўжалиги маҳсулотининг ҳажми бўйича Чуст тумани олдинги ўринда (18,0 фоиз), ундан кейинги ўринларни Тўрақўрғон (11,2 фоиз), Учқўрғон (10,5 фоиз), Мингбулоқ (10,0 фоиз) ва Косонсой (8,9 фоиз) туманлари эгаллайди. Поп туманининг мавқеи ҳам яхшироқ, Чортоқ тумани ўртача ҳолатда, Наманган, Норин ва Уйчи эса анча орқада.
Транспорт ва ташқи иқтисодий алоқалар. Вилоятда транспортнинг барча турлари мавжуд. Бир йилда ташилган юк 36 млн. тоннадан ортиқроқ. Бироқ, бу ерда темир йўл транспортининг ҳам аҳамияти катта; автомобил транспортига жами ташилган юкнинг ярмидан камроғи тўғри келади, ваҳоланки кўпгина бошқа вилоятларда бу кўрсаткич анча юқори.
Ташқи савдо обороти 100 млн. АқШ долларидан кўпроқ; экспорт бунинг тахминан 35 қисмини ташкил этади. Таш­қарига чиқариладиган маҳсулотларнинг ярмидан ортиқроғи пахта толасига, импортнинг эса 60 фоизга яқини машина, асбоб­ускуналар ва озиқ­овқатга тўғри келади.
Таъкидлаш жоизки, экспортда қўшма корхоналарнинг ҳам ўрни сезиларли. Бу хусусда энг аввало «Косонсой-Текмен», «Поп-Фен», «Силк-Роад» ҳамда Туркиянинг «Астол» фирмаси билан биргиликда қурилган «АсНам–Текстил» корхоналарининг роли катта.
Ташқи иқтисодий алоқалар яқин ва узоқ хориж мамлакатлари билан олиб борилади.