Mavzu. Bozor sharoitlarida sifat va raqobatbardoshlik. 1 Sifat XXI asr bo’sag’asida raqobatning umumjahon maydoni

Samarali boshqaruv tizimining xususiyatlari. Boshqaruv tizimlarining ishlab turishi uchun boshqauvning o'rta bo'g'ini asosiy javobgarlikka ega. Ushbu bo'g'inning funktsiyalari unga tizimning samaradorligi va mavjud kamchiliklarni aniqlash imkonini beradi. Shunga ko'ra, o'rta bo'g'in rahbarlariga tashkilotda amal qilinyapgan tizimlarning ish yuritishi uchun javobgarlik yuklanadi.
Tizimlarning ish yuritish sifatini ta'minlash doirasida tekshiruvlar o'tkazishda asosiy e'tibor quyidagilarga qaratiladi:

1. 
   Muayyan tizimning oldida turgan vazifalar, uning ishlab chiqarish maqsadlari va asosiy elementlari.
   
2. 
   Tizimdagi ehtimoli bo'lgan barcha chetlanishlarni bashorat qilish va aniqlash, ularning oldini olish.
   
3. 
   Boshqaruv tizimlari bo'yicha o'qitish dasturlarini o'z ichiga olgan faoliyatning barcha asosiy turlari uchun hujjatlarning mavjudligi.
   
4. 
   Faoliyatning hamma asosiy turlari bo'yicha nazorat nuqtalarining mavjudligi, bajarilyapgan ishlab chiqarish vazifasi bevosita boshqarish, kompyuter tizimlari, xavfsizlik, xodimlarni o'qitish va tayyorlash, funktsiyalararo aloqalarni o'z ichiga olgan holda asosiy sohalarni qamrab olish.
   
5. 
   Tizimlarning hisobot hujjatlaridagi tafovutlarini aniqlash va bartaraf qilish imkoniyati.
   
6. 
   Tizim ishlarining grafiklarda keltirilgan vaqtlarda bajarilishini ta'minlash va bunga rioya qilinmaganda rahbariyatga tuzatishlarni kiritish rejalari bilan murojaat qilish.
   
7. 
   Aldash, o'g'rilikning oldini olish imkoniyati va axborotning maxfiyligini ta'minlash nuqtai nazaridan tizimlarning ish yuritishi.
   
8. 
   Tashkilotda nazoratni ta'minlash tizimi hujjatlarining mavjudligi, yuzaga keladigan muammolar ustidan nazorat o'rnatish va kerakli boshqaruv organlarini aniqlash maqsadida bu hujjatlardagi talablarga rioya qilish.
   

Boshqaruv tizimlarining sifatli ish yuritishini ta'minlash guruhining faoliyati. Ushbu guruh korxonadagi butun tizim uchun javob bermaydi, balki faqat tizimning boshqarilishini ta'minlaydi va uning samaradorlik darajasini baholaydi. Bundan tashqari, tizimlar nisbatan barqaror bo'lib, tez - tez o'zgarishlarga uchramaydi. Shuning uchun bunday guruhning a'zolari ko'p bo'lmaydi.
Tizimlar ish yuritishining sifatini ta'minlash xizmatining asosiy vazifalari:

1. 
   Bir necha faoliyat turlarini o'z ichiga olgan tizimlarni tekshirish.
   
2. 
   Bo'limlar doirasida tekshiruvlarni o'tkazish.
   
3. 
   O'z - o'zini baholash o'tkazish dasturlarini o'zaro muvofiqlashtirish.
   
4. 
   Tizimlarni boshqarish sohasida xodimlarni o'qitish va tayyorlash.
   
5. 
   Tizimlarni boshqarish masalalari yuzasidan rahbariyatga tavsiyalar berish.