Mavzu. Bozor sharoitlarida sifat va raqobatbardoshlik. 1 Sifat XXI asr bo’sag’asida raqobatning umumjahon maydoni

Uzluksiz takomillashtirish. Jarayonni takomillashtirish bo'yicha guruh muammolarni hal qilishni talablarga muvofiqlashtiradi va nazorat qiladi, lekin ularni hal qilish yo'llarini aniqlamaydi. Odatda guruhlar yig'ilishlarining maqsadlari muammoni aniqlash, tahlil qilish va tegishli bo'linmani aniqlab, unga jarayonni takomillashtirish bo'yicha guruhning ko'rib chiqishi uchun xulosalarni taqdim etish vazifasini yuklash hisoblanadi. Bu guruhga boshqa xodimlarni jalb qilmasdan bir vaqtda ko'plab muammolar ustida ish olib borishga imkon beradi. Jarayonni takomillashtirish bo'yicha guruh har bir muammoni aniqlaydi va uni hal qilish jarayonining borishini kuzatadi.
Jarayonni takomillashtirish bo'yicha guruh faoliyatining boshqa muhim yo'nalishi jarayonga kiritilishi mumkin bo'lgan barcha o'zgartirishlarning jarayonga ijobiy ta'sirini ta'minlash hisoblanadi. Buning uchun jarayonga o'zgartirishlar kiritish bo'yicha barcha takliflar mavkur guruhga yuboriladi. Ular sifat, unumdorlikni oshirishga imkon beruvchi o'zgartirishlarni asoslovchi ma'lumotlar bilan mustahkamlanadi. Bu qisman kerakli ma'lumotlar olinishini ta'minlovchi tajribaviy nazoratni o'tkazishni talab qiladi. Jarayonni takomillashtirish bo'yicha guruh o'zgartirishlarning butun jarayonga samarali ta'sirini tasdiqlovchi tajriba dasturini ko'rib chiqishi kerak.
Jarayonning texnologiyasini ishlab chiqish. Jarayonni takomillashtirish bo'yicha guruhning faoliyati ishlab chiqarishni ta'minlovchi barcha bo'linmalardan menejerlar va yetakchi mutaxassislarni texnologik usullardan foydalanishga jalb qilishni nazarda tutadi. Buning uchun quyidagilar zarur:

5. 
   Iste'molchilarning talablarini aniqlash.
   
6. 
   Kirish axboroti va materiallarning manbalari va ularga talablarni aniqlash.
   
7. 
   Olib boriladigan ishlar va ularning ketma - ketligini tavsiflovchi hujjatlarni tuzish.
   
8. 
   O'lchash usullarini aniqlash va teskari aloqani qaror toptirish.
   
9. 
   Jarayonning attestatsiyasini o'tkazish.
   
10. 
    Jarayonni optimallashtirish.