Mavzu. Bozor sharoitlarida sifat va raqobatbardoshlik. 1 Sifat XXI asr bo’sag’asida raqobatning umumjahon maydoni

Sifatni tekshirish laboratoriyalari sifatni ta'minlash doirasida yordamchi ishni bajaradilar. Masalan, sanoatda odatda quyidagi laboratoriyalar bo'lishi zarur: nazorat - o'lchash, materiallarni tahlil qilish, rad qilishlar sababining tahlili, asMAVZUlar va moslamalarni tekshirish, detallar va buyumlarni sinash.
Boshqaruv tizimlari amal qilinishining sifatini ta'minlash.
Tizimlar ish yuritishining sifatini ta'minlash. Sifatni ta'minlashning avvalgi tashkiliy tuzilmasi sezilarsiz o'zgarishlarga uchradi. Natijada boshqa bo'linmalar faoliyatini baholash bilan shug'illanuvchi bo'linmalar yuzaga keldi. Biroq tizimlar vositasida sifatning ta'minlanishi tashkilotning muammolarini hal qilishni talab qiladigan yangi vazifalarni oldinga qo'ya boshladi.
Bunday xizmatning asosiy vazifasi - korxonada butun mehnat jarayonini nazorat qiladigan tizimlarni boshqarish.
Tizimlar ish yuritishining sifatini ta'minlash guruhining maqsadi - tashkilotda boshqaruv tizimining samarali ish yuritayotganini, alohida cheklanishlarning tasodifiy xususiyatga egaligi va o'z vaqtida bartaraf qilinayotganini isbotlash. Bu vazifani bajarish doirasida mazkur guruhga quyidagi javobgarliklar yuklanadi:

1. 
   Samarali ish yurituvchi boshqaruv organlarining mavjudligi.
   
2. 
   Boshqarishning o'rnatilgan usullariga rioya qilinishini nazorat qilish.
   
3. 
   Tashkilotda boshqaruvni tartibga soluvchi talablarni tahlil qilish.
   
4. 
   Rejalar asosida tuzatish tadbirlarining olib borilishini tashkil qilish va aniqlangan nuqsonlarni bartaraf qilish bo'yicha qarorlarni bajarish.
   
5. 
   Qoniqarsiz va haddan tashqari byurokratik bo'lgan tadbirlarni aniqlash.
   
6. 
   Quyi bo'g'in rahbarlarining zimmasiga yuklanadigan o'zini - o'zi baholash o'tkazishni va dasturlar sifatini nazorat qilishni muvofiqlashtirish.
   
7. 
   Turli bo'linmalar faoliyatini tahlil qilish dasturlarini muvofiqlashtirish.
   
8. 
   Turli tizimlar doirasida amal qilinadigan xodimlarni o'qitish dasturlarini ishlab chiqish va o'zaro muvofiqlashtirish.
   
9. 
   Tizimlar va boshqaruv organlarining idora tomonidan o'rnatilgan tartibga soluvchi talablarga mosligini tahlil qilish.