Mavzu. Bozor sharoitlarida sifat va raqobatbardoshlik. 1 Sifat XXI asr bo’sag’asida raqobatning umumjahon maydoni

Tizimli yondashuv. Sistemotexnika usullari shunga asoslanadiki, oldinga qo'yilgan maqsadga tayangan holda unga erishish vositalari aniqlanadi. Jarayonni takomillashtirish bo'yicha guruh bunday yondashuvga binoan bosh maqsadga erishishni ta'minlaydigan ikkinchi darajali maqsadlarga e'tibor qiladi va asosiy maqsadga erishishning samarali tizimini ishlab chiqishi mumkin.
Yondashuvning tizimliligi to'rt bosqichni nazarda tutadi:

1. 
   Jarayonning texnik shartlarini ishlab chiqish. Bu hujjat jarayonning maqsadlarini aniqlaydi.
   
2. 
   Jarayon chizmasining tahlili. Bu bosqichda jarayonda qatnashish ehtimoli bo'lgan barcha tashkiliy bo'linmalar hamda ular o'rtasidagi aloqalar tahlil qilinadi. Natijada butun jarayonning optimal holatini ta'minlovchi kelishuv qarorlari ishlab chiqiladi.
   
3. 
   Ma'lumotlarni uzatish kanallarini belgilash. Ko'p jarayonlar o'zaro bog'liq bo'lgan jarayonlardan iborat ekan, jarayonostida pastdan - yuqoriga va gorizontal yo'nalishda teskari aloqani ta'minlash ko'zda tutilishi kerak.
   
4. 
   Jarayonni hujjatlashtirish. Bu bosqichda jarayonning barcha operatsiyalariga alohida hujjatlar, axborot ta'minoti va yordamchi faoliyat turlari ishlab chiqiladi. Jarayonning aralash jarayonlar bilan samarali o'zaro aloqasini ta'minlash maqsadida jarayon sinovdan o'tkaziladi.
   

Tizimli yondashuv alohida jarayonostilarini emas, balki butun jarayonni qamrab olishni ko'zda tutadi.
Sistemotexnikadan foydalanish amaliyoti. Sinov jihozining yangi turini yaratish jarayoniga yondashuvni ko'rib chiqamiz. Qoniqarsiz sifatli mahsulot ishlab chiqarishning davom etish ehtimolini hisobga olmagan holda ishlab chiqarish jarayonining mahsulotni baholash imkoniyatlarini ta'minlash umumiy maqsad hisoblanadi.
Asosiy jarayonning jarayon ostisi - sifatni ta'minlash xizmati tomonidan sinov jihozini sertifikatlashtirish. Bu jarayonostining maqsadi jihozlarni ishlab chiqish bo'limi maqsadlarini jarayonning talablariga muvofiqlashtirish va sinov jihozini loyiha asosida tekshirish hisoblanadi.
Sertifikatlashtirishni o'tkazish uchun turli xil xizmatlardan foydalanish mumkin, lekin quyida keltirilgan ikkitasi eng maqbullari hisoblanadi:

1. 
   Sifatni ta'minlash xizmati sertifikatlashtirish sohasidagi barcha ishlar uchun javobgarlikka ega.
   
2. 
   Sinov jihozini ishlab chiqish bo'limi sertifikatlashtirish bo'yicha muayyan ishlarning amalga oshirilishini ta'minlaydi va sifatni ta'minlash xizmatiga reja, olingan ma'lumotlarni taqdim qiladi.
   

Agar ishlarni sifatni ta'minlash xizmati bajarsa, sertifikatlashtirishning o'ziga xos dasturi amalga oshiriladi.
Agar sinov jihozini ishlab chiqish bo'limiga sertifikatlashtirish bo'yicha faoliyatning bir qismi yuklangan bo'lsa, bo'lim xodimlarining bilimdonligi hisobiga sertifikatlashtirish ishlarini yakunlash uchun kerakli mehnat harajatlari 2-3 barobar qisqaradi. Bundan tashqari, ishlab chiquvchi jihozning sinalishi uchun to'liq javobgarlikka ega.
Bo'limning kamchiligi shundaki, jarayon zarur sonda tekshirishlar o'tkazilishini nazarda tutmasligi mumkin. Biroq bu katta ahamiyatga egamas, chunki sifatni ta'minlash xizmati sinov jihozini ishlab chiqish bo'limining faoliyati, u taqdim etgan baholash rejasi va natijalarini tekshiradi.
2.Jarayonlarni attestatsiyalash.