Mavzu. Bozor sharoitlarida sifat va raqobatbardoshlik. 1 Sifat XXI asr bo’sag’asida raqobatning umumjahon maydoni

3-MAVZU. FAOLIYATNI YAXSHILASHGA RAHBARLIK
QILISH.

1.Boshqaruv organlari faoliyati.
2.Rahbarlik qilishning ob'ektlari, resurslari va usullari.
3.Faoliyatni yaxshilash bo'yicha kengashning ishi.
4.Boshqaruv tizimi bilan bog'liq muammolarning hal qilinishi.


1.Boshqaruv organlari faoliyati.
Faoliyatni yaxshilash bo'yicha boshqaruv kengashi. Tashkilot faoliyatini yaxshilash jarayonini boshqarish kollegial boshqaruv organi, ya'ni ishni yaxshilash kengashi yoki komissiyasi tomonidan amalga oshiriladi. Yuqori iyerarxik bo'g'in rahbarlari ishni yaxshilash jarayonini ishlab chiqish va tatbiq qilish yuzasidan vakillarini tayinlaydilar. Jarayonning "lideri" tashkilot rahbarining vakili hamda kengash boshqaruvchisi hisoblanadi.
Ishni yaxshilash bo'yicha ma'muriy guruh. Tashkilot rahbari barcha oliy boshqaruvchilarga o'zi boshqaradigan ma'muriy guruhning faol a'zolari bo'lishlarini ta'kidlashi kerak, chunki bu holat jarayonning jadal sur'atlarda kechishini ta'minlaydi. Bu guruh boshqaruv kengashi ishlab chiqqan strategiyani baholash, tasdiqlash va tegishli tadbirlarni amalga oshirish majburiyatiga ega.
Guruh yaxshilash jarayonini amalga oshirish ishlarining holatini tahlil qiladi; barcha asosiy harajatlarni, shuningdek, personalning ish vaqti harajatlarini aniqlaydi. Mazkur guruhning muntazam izlanishlar olib borishi yuqori rahbariyat tomonidan faoliyatni yaxshilash jarayoniga alohida e'tibor berilayotganini ko'rsatadi.
Kengashning vazifalariga yaxshilash jarayoni va uning asosiy yo'nalishlarni ishlab chiqish, o'quv dasturlarini yaratish, erishilgan natijalarni baholash va jarayonni amalga oshirishga xizmat qilish kiradi. Kengash barcha bo'linmalarda jarayonning samarali tatbiq qilinishini ta' minlaydi.
Tashkilot rahbari kengash zimmasiga quyidagi vazifalarni yuklashi mumkin:

1. 
   Faoliyatni yaxshilash jarayonini amalga oshirish strategiyasini ishlab chiqish.
   
2. 
   Uning amalga oshirilishini boshqarish.
   
3. 
   Korxona faoliyatidagi o'zgarishlarning maqsadga muvofiqligini ta 'minlagan holda jarayonni tashkil qilish.