Мавзу: бошқарув қарорларининг тасниф этилиши режа

2.БОШҚАРУВ ҚАРОРЛАРИНИНГ ТАСНИФИ.
Бошқарув жараёнида турли масалалар юзасидан, турли даражада хилма-хил моҳиятга ва мазмунга эга бўлган минглаб қарорлар қабул қилинади. Уларни қўйидаги белгилар бўйича гуруҳларга ажратиш мумкин:
1. Амал қилиш даврига кўра:

• 
  Стратегик қарорлар.
  
• 
  Тактик қарорлар.
  

Стратегик қарор мақсадга эришишда муҳим аҳамиятга эга. У юқори бошқарув органлари томонидан туб ва истиқболли дастурларни ишлаб чиқиш мақсадларида қабул қилинади. Бундай дастурларга:

• 
  хусусийлаштириш жараёнларини чуқурлаштириш.
  
• 
  рақобат муҳитини шакллантириш.
  
• 
  чуқур таркибий ўзгаришларга эришиш, ўрта биснесни ривожлантириш каби дастурлар мисол бўла олади.
  

Тактик қарорлар мақсадга эришишнинг восита ва усуллари хусусидаги жорий, тезкор қарорлардир.Масалан:

• 
  корхона, фирманинг жорий режаларини тузиш ва жорий қилиш.
  
• 
  кадрлар масаласини ҳал қилиш ва х.к.
  

Мазкур қарорлар юқори ва ўрта буғин раҳбарлари томонидан ўзоғи билан икки йилгача бўлган муддатда қабул қилинади.
2. Мазмуни ва амал қилиш хусусиятига кўра:

• 
  социал-иқтисодий қарорлар.
  
• 
  техникавий қарорлар.
  
• 
  стереотип қарорлар.
  
• 
  ташаббусли қарорлар.
  

Социал-иқтисодий қарорлар меҳнат жамоаларида аъзоларининг ижодий фаоллигини кутаришга, улар фаолиятининг самарадорлигини оширишга йўналтирилади.
Техникавий қарорлар ташкилотда техникага оид сиёсат юритишга қаратилади.
Стереотип қарорлар одатда катъий йўриқномалар, меъёрий хужжатлар доирасида қабул қилинади. Бундай қарорлар баъзан кундалик, баъзан масалалар бўйича қабул қилинади, лёкин ўзгаришлар асосан муддатларга, айрим сифат параметрларига, ижрочиларга тааллуқли бўлади.
Раҳбар стереотип қарорларни одатда ортиқча тайёргарликсиз қабул қилади. Ходимларни ишга олиш ва ишдан бўшатиш, корхонанинг фаолиятини рисоладагидек бошқариш юзасидан чиқарилган буйруқларни шундай қарорлар жумласига киритиш мумкин.
Ташаббусли қарорлар ўз тавсифига кўра новаторлик мазмунига кўра эса истиқболни назарда тутадиган қарорлардир. Бундай қарорлар вазиятни синчковлик батафсил ўрганишни, махсус кўзатув материалларига асосланиши, махсус ҳисоб-китобларнинг амалга оширилишини талаб қилади.
Ташаббусли қарорлар эркин ҳаракатга асосланиб қабул қилинади.