Mavzu: Bolaning intelektuval bilish malakalarini shakillantirish

Ertalabki soatda “Onalarga kim qanday yordam beradi” mavzusida suhbat o’tkazish.
Ish, loyihalar, oila yumushlari bilan to’la hayotimizda farzandlar uchun ham vaqt ajratish ularda ijobiy xislatlar shakllanishida juda ahamiyatli.
Quyida bolalar bilan mazmunli vaqt o’tkazishning bir qancha usullari bilan tanishtiramiz.
1. Farzandlaringiz bilan yolg’iz qolishni rejalashtiring. Bir ayol o’zining maktabdan keyin onasi bilan o’tkazgan eng samimiy suhbatlarini yodga oladi: onasi ataylab dazmollashni kunning aynan shunday vaqtiga rejalashtirgan-ki, toki ishlab turib ham qizi bilan suhbatlashishga qulay fursat bo’lgan. Juma kunlari «oila oqshomi» deb belgilangan va hech kim bu oqshomni ko’chada o’tkazmagan.
Tufts universiteti psixologi David Elkind ota-onalarga ovqat vaqtida kuni bo’yi erishgan yutuqlari haqida suhbatlashish hamda ular duch kelgan muammolarini hal qilishga yordam berishni odatga aylantirishni maslahat beradi.
2. Siz farzandlaringiz bilan birga bajarishga qiziqadigan mashg’ulotlar toping.
Bolalar ota-onasi sevib bajaradigan mashg’ulotlarni tez o’zlashtirishadi. Va ular qachon aldayapsiz va qachon o’zingizni ular bilan o’tirishga majburlayotganingizni ham yaxshi sezishadi. O’zingizga ham yoqadigan mashg’ulotlarni toping. Kichkina o’yinlar orqali ularni kattaroq mashg’ulotlarga o’rgatib borish mumkin. Sekin-sekin farzandlaringiz orasidan o’zingizning keyingi kuchli raqiblaringiz tarbiyalana boshlaydi.
Boshqa bolalar ota-onalaridagi sayr qilishdan rohatlanish tuyg’usini «yuqtirib olishadi». Olti bolaning onasi o’z xotiralarida «Montana(Ameriakdagi shtatlarning biri)da qish kunlarida o’ta sovuq bo’lishidan qat’iy nazar to’ng’ich o’g’lim bilan har kechqurun ko’chada sayr qilar edik» Hozir ham o’g’li balog’atga yetgach, dam olishni xohlab qolsa, sayrga chiqishini afzal ko’radi.
3. O’ynashga holingiz bo’lmaganda, buni ochiq tan oling. Farzandlaringiz bilan o’ynashga holingiz qolmagan taqdirda ham mazmunli vaqt o’tkazish mumkin. Bir kuni kechqurun kechki ovqatdan so’ng dam olmoqchi bo’lgan ona qizini chaqirib u ancha vaqtdan buyon u bajarishni orzu qilib yurgan yumushlarini qilishi mumkinligini aytdi:
– onasining sochini tarash,
– to’g’nog’ich qo’yish,
– onasining yuzini yorqin ranglar bilan bo’yash.
Onasi dam oldi, bolasi maza qildi, ikkalovlari miriqib kulishdi.