Mavzu: Biologiya ta‘limidagi innovatsiyalar va fanni o‘qitishning dolzarb vazifalari

Mavzu: Biologiya ta‘limidagi innovatsiyalar va fanni o‘qitishning dolzarb vazifalari
Mashg‘ulotning maqsadi: Tinglovchilarni “Biologiya ta‘limidagi innovatsiyalar va fanni o‘qitishning dolzarb vazifalari“ mavzusi doirasida fandagi yangiliklar, kashfiyot va ixtirolar. Biologiya fanining ilmiy-nazariy asoslari bo‘yicha dolzarb muammolar, yangiliklar, ilmiy izlanishlar va ulardan biologiya fanni o‘qitishda foydalanish metodikasi bilan tanishtirish. Reja
1.O‘zbekistonda biologiya fanining rivojlanishi, mashhur olimlar, ularning maktablari.
2.Fanning texnika va ishlab chiqarishga qo‘llanishi bo‘yicha innovatsiyalar.
3.O‘zRFA biologik ilmiy-tadqiqot institutlarida olib borilayotgan ilmiy izlanishlar.
O‘zbekistonda biologiya fanining rivojlanishi, mashhur olimlar, ularning maktablari. Biologiya fanining taraqqiyoti yo‘nalishlari. Hozirgi zamon biologiyasi hayot bilan bog‘liq bo‘lgan turli fanlarning assotsiatsiyasi bo‘lib, uning eng asosiy izlanish predmeti hayotning har qanday tuzilish darajalarida umumiy va xususiy qonuniyatlarni o‘rganishdir. Biologiya fani nisbatan mustaqil maxsus tarmoqlarni (zoologiya, botanika, mikrobiologiya, mikologiya va h.k.) hamda fanlararo (bioximiya, biofizika, ijtimoiy biologiya, bioetika, bioestetika, biosiyosat va h.k.) fanlarni o‘z ichiga oladi
Hozirgi zamon biologiya fanining rivojida bir necha yo‘nalishlari shakllanmoqda.
Hayot fenomeni molekuladan koinot va mega darajalarda o‘rganilishi. Biologik o‘rganish ob’ektlarning sferasiga organizm usti hosilalari (populyatsiontur, biogeotsenotik, biosfera, antropobiogeotsenotik) va ularning o‘zaro ta’sirlari ham kirmoqda. Biologiya fanlarining o‘zaro va boshqa fanlari bilan integrasiyasining kuchayishi kuzatilmoqda. Biologiya fanining ijtimoiy-madaniy statusining mustahkamlanishi kompleks va fanlararo izlanishlarning kengayishida, biologiyaning aniq fanlar va ijtimoiy-gumanitar fanlar bilan aloqalarining mustahkamlanishida namoyon bo‘ldi. Biologiyaning gumanitar yondashuvi tibbiy biologik va biotexnologik izlanishlarning chuqurlashuvi tufayli biologiya yutuqlari faqat odamzot farovonligiga emas, butun tiriklikning farovonligiga yo‘nalgan bo‘lmog‘i lozimligi ta’n olindi.