Mavzu: Badan harakatlarini rivojlantirishga yo’naltirilgan mashqlar: Reja

Bog‘lovchi va yordamchi harakatlar atamalari:
“Battement soutenu”- V holatda oyoq uchiga kо‘tarilgan holda turish va aylanish tushuniladi.
“Cou – de – pied” oyoq holati klassik raqs darslaridagi qator harakatlarda qо‘llaniladi.Cou–de–pied – harakatdagi oyoqning tayanch oyoq tо‘pig‘ida oldinda, orqada va о‘ralib turgan holati.
“Preparation” – barcha kombinatsiyalarni boshlash uchun tayyorlovchi harakat. Har-bir kombinatsiya “Preparation”dan boshlanadi.
“Por de bras”- Qomatni yonga va orqaga bukish, oldinga egilish. “Por de bras”- paytida oyoqlar nihoyatda tarang, tos tortilgan bо‘lishiga e’tibor berish zarur.
“Pas balance”-Sahnaviy raqslarda kо‘p uchraydigan yondan-yonga tebranuvchan harakat.
Passé par terre – harakatdagi oyoqning poldagi sirpanuvchi harakati.


Tutqich va zal о‘rtasidagi ekzersis atamalari:
Plié –mumtoz raqs darsidagi harakat sifatida о‘tirishni anglatadi. Oyoq qayriluvchanligi va elastikligini ta’minlaydi.
Demi (yarim), plié (о‘tirish) -yarim о‘tirish, degan ma’nosin anglatadi.
Grand (katta,tо‘liq), plie (о‘tirish) - chuqur о‘tirish degan ma’nosin anglatadi.
Battements tendu –Chо‘zinchoq harakatlar tizza, boldir va panjalardan iborat butun oyoqning tarang chо‘zinchoqligini ta’minlaydi, oyoq kuchini rivojlantiradi. Dastlab battement tendu tutqichga qarab о‘rganiladi, negaki bu yо‘nalishda qayrilganlikni tarbiyalash va idrok etish oson bо‘ladi, qо‘llar harakatiga ifodaviylik beriladi. Oyoq uchini tortib polda (oldinga,yonga,orqaga) siljitish.
Battement tendu jeté– Otish bilan bajariladigan harakat. U oyoqning tarangligini ta’minlaydi, oyoqlar kuchi va yengilligi hamda tos-bо‘ksa mushaklarini harakatchanligini ta’minlaydi. Battement tendu jeté dastlab I, sо‘ngra V holatda о‘rganiladi. Tutqichga qarab harakat о‘zlashtirilgach, bir qо‘l bilan tutqichni ushlab bajariladi va qо‘llar harakatiga ifodaviylik beriladi.
Battement tendu jete- oyoqni 25⁰-45⁰ ga (oldinga,yonga,orqaga) otish.