Мавзу: Аудит фанининг мазмуни

Мавзу:Аудит фанининг мазмуни, предмети ва методи.
РЕЖА:
1. Аудит тушунчаси, моҳияти ва аҳамияти.
2.Аудитнинг пайдо бўлиши ва ривожланишининг узига хос хусусиятлари.
3. Аудит фанинг обекти ва предмети.
4. Аудитнинг ўзига хос хусусияти ва методлари.
1. Аудит тушунчаси, моҳияти ва аҳамияти.
АУДИТ сўзи – лотинча сўздан олинган бўлиб у «эшитади» ёки «эшитмоқ» деган маънони англатади.
АУДИТ сўзи -Ингилизчада “тафтишчи”, “текширувчи” маънони англатади.
Аудит- хўжалик юритувчи субъеклар иш фаолияти, иқтисодий аҳволига оид фактлар ёки шундай фаолиятга доир маълимотларни тўплаш баҳолаш уларни маълум меъзонларга мослигини текшириш орқали баҳолаш ва холисона хулосалар беришдир.
Аудитор фирмалар – бу корхона, фирма, компаниялар молиявий- хўжалик фаолиятини шартнома асосида текшириб берувчи,улар ҳисоботини экспертизадан ўтказувчи тўлик мустақилликка эга бўлган юридик идора.
Аудитор- малака сертификатига эга бўлган жисмоний шасдир. Аудитор меҳнат шартномаси, ёки фуқоролик-ҳуқуқий шартнома бўйича факат битта аудиторлик фирмасида ишлаши мумкин бўлган жисмоний шахсдир.
Аудитор ёрдамчиси- малака сертификатига эга бўлмаган ва аудиторлик ҳисоботида, аудиторлик хулосасида, аудиторнинг эксперт хулосасида ҳамда аудиторлик текширувини ўтказиш билан боғлик бўлган бошқа расмий ҳужжатларда имзо чекиш ҳукукига эга бўлмаган холда аудиторнинг топшириғига кўра аудиторлик текширувига иштирок этиши мумкин бўлган жисмоний шахс.
Аудиторлик ҳисоботи- ташкилот раҳбари, мулк эгаси, хўжалик юритувчи субъект қатнашчилари (акциядорлар) умумий йиғилишига қаратилган ҳужжат бўлиб, текширув вақтида аниқланган бухгалтерия ҳисоботини юритиш тартибидан четга чиқиш, молиявий ҳисоботдаги тартиб бузиш ҳоллари туғрисидаги батафсил маълумотларни ўз ичига қамраб олган юридик ҳужжатдир.
Аудиторлик хулосаси-Аудиторлик ташкилотининг молиявий ҳисоботини тўғрилиги ва бухгалтерия ҳисобини юритилишини белгиланган қонунчилик талабларига мувофиқлиги тўғрисида ёзма шаклда ифодаланган фикридан иборат бўлган ҳужжатдир.