Мавзу: Антиаритмик воситаларнинг клиник фармакологияси

Синусли тахикардия
Синусли тахикардия синусли импульсларнинг тинчлик холатида 1 мин да 95 (100) тадан ошиб кетиши ва ЭКГ элементларининг одатий кетма-кетлиги вақланиши билан характерланади. Синусли тахикарди агар бемор томонидан шикоятлар бўлса ва доимий характерга эга бўлиб, қон айланиш холатига таъсир этсагина даволанади. Бунда этиологик факторни хам хисобга олиш лозим. Психогет турида психологик статусни меёрлаштириш керак – психотерапия, аутотренинг, психологик адаптация. Рационал режим, уйқуни нормаллаштириш, даволаш физкултураси, физиотерапевтик муолажалар мақсадга мувофиқ. Аччиқ чой, кофе , спиртли ичимликлар, чекишжан воз кечиш зарур. Валокордин ёки корвалол (20-30 томчи 2-3 марта 1 кунда), пустырник, боярышник, пиона тиндирмаси, валериана илдизи дамламаси, даврий –кичик транквилизаторлар тавсия этилади. Бета-адреноблокаторлар жуда эффектив – анаприлин 20-40 мг, тразикор 20 мг, метопролол 50 мг 2-4 марта 1 кунда.
Синусли брадикардия
Синусли брадикардия –ЮҚС ни 1 мин да 60 тадан камайиши ва ЭКГ да интервалларнинг узайиши (нарма чегаралари доирасида) билан характерланади. Кўпинча синусли брадикардия жисмоний чиниққан одамларда бўлади. Синусли брадикардия юрак ритми 1 мин.да 50 тадан кам бўлиб, хаёт учун мухим органларнинг гипоперфузияси белгилари – бош айланиши, қон босимнинг пасайиши, стенокардия хуружлари, қоринчалар экстасистолияси бўлганда даволанади. Юракка қон келишини ва бош мияда қон айланишини яхшилаш учун беморни оёқ томони баландроқ холатга келтирилади, Атропин юборишга қарши кўрсатмалар бўлмаса атропинли синама қилинади. Атропин вена ичига 0,5-1,0 мг (0,5-1,0 мл 0,1% эритма) юборилади.Вагус-индуцирланган синусли брадикардияда беллоид (беллатаминал), итроп (ипратропиума бромид) 10 мг 1 таб. 2-3 махал 1 кунда ёки миофедрин (оксифедрин) 8 мг 1-2 таб. 2-3 махал 1 кунда буюриш мумкин. Баъзан метилксантинлар, айниқса узоқ таъсир этувчилар – теопек максадга мувофиқ. Синусли брадикардия фонидагигипотонияда кўпинча дофамин (допмин) ишлатилади. 200 мг дофамин (5 мл 4% эритма) 250 мл 5% глюкозада эритилиб, 15-30 мл/соат тезликда юборилади. (2-5 мкг/кг/дақ). Заруриятга кўра инфузия 20 мкг/кг/дақ гача тезлаштирилади.