Mavzu: Agrar munosabatlar. Renta nazariyasi

Yer — mulk va xo‘jalik yuritish obyekti sifatida

Yerga egalik yuridik va jismoniy shaxslarning ma’lum yer uchastkalari tarixan tarkib topgan asoslardagi yoki qonun hujjatlarida belgilangan tartibdagi egalik huquqini tan olishini bildiradi. Yerga egalik deganda, avvalo, yerga bo‘lgan mulkchilik huquqi ko‘zda tutiladi. Yerga egalikni yeri bo‘lgan mulkdor amalga oshiradi.

Yerdan foydalanish huquqi — bu tarixan shakllangan urf-odatlar yoki o‘rnatilgan qonuniy tartibda undan foydalanishni bildiradi. Yerdan foydalanuvchi yer egasi bo‘lishi shart emas. Real xo‘jalik hayotida yerdan foydalanishni, har xil jismoniy va yuridik shaxslar, hozirda dehqon, fermer va shirkat xo‘jaliklari amalga oshiradi.