Мавзу: абу али ибн сино асарларида жисмоний баркамол инсон ғоялари

IBN SINO HIKMATLARIDAN namunalar.
Yaxshi va yomon xulqning hammasi sharoit, tarbiya, odatlanish natijasida vujudga keladi. Yaxshi xulqqa ham odat tufayli erishiladi.

* * *

Xulqning muvozanatda bo‘lishi badan salomatligini saqlaydi.

* * *

Tabiatda bekorchi narsalar bo‘lishining o‘zi bo‘lmagan narsadir.

* * *

Kamtarlik kishida shunday bir xislatki, bu bilan inson bilim-ma’rifati, kuch-qudratini yashirib, o‘zini tabiatan ojiz, ezilgan va o‘z jinsida yuqori darajaga ko‘tarilishda biror kamchiligi borday sezdiradigan bo‘ladi. Yana bu xil odamlar boshqa birovdan nafsoniy yoki jismoniy tomondan o‘ta ortiqligini yashirib keladigan bo‘ladi.

* * *

Ziyraklik va tiyraklik deb, sezgi organlari yordami bilan narsalarning haqiqiy ma’nolariga tezda yetishiga aytiladi.

* * *

Inson o‘zini toki mayda gap, o‘chakish, janjal, shikoyat, norozilik, oh-vohlardan ozod qilolmagunigacha u iflos va pastlik tabiatidan ozod bo‘lolmaydi.

* * *

Hujum qilib kelayotgan qo‘shinlardan qo‘rqib qochish, insonlardagi qo‘rqoqlikni boshqalar tomonidan fosh etilishi, boylikni yerga ko‘mish, adolatsizlikning ko‘rinishlari, ifloslikka befarq qarash, shubhali joylarda bo‘lish, razillikni istash, axloqiy tubanlikka borish, kambag‘alni talash, o‘liklar kafanini qazib olish, gadoychilik qilish, haddan tashqari ziqnalik qilish, sudxo‘rlik qilish, kechirim so‘raganlar iltimosini rad etish, sud oldida turishgacha borish, muruvvatsizlik kabilar sharmandalikka kiradi.

* * *

Ulug‘lik insonga eng yomon hodisalarni yaqinlashishiga yo‘l qo‘ymaydigan bir matonatni jamlovchi kuchdir.