Мавзу 1: Жисмоний тарбия назарияси ва методикаси ўқув фан сифатида

Машғулотларнинг дарсли шакли . 
Соғломлаштириш, тарбиявий, таълимий вазифаларини ҳал этишга йўналтирилган ҳолда 
жисмоний тарбия дарслари доимий ўқитувчи раҳбарлигида ёки устоз раҳбарлигида, 
жадвал бўйича қатъий тартибда, шуғулланувчиларни синфлардан рўйхат бўйича сони, 
ёши дойимийлиги асосида олиб борилади. 
 Дарс - машғулотларнинг асосий шаклидир, чунки етакчи ролни ўқитувчи, устоз 
(инструктор), жадвал бўйича кўрсатилган кун, соатлари асосида қатъий тартибда 
ўтказилади. Бундан ташқари ўқувчиларни рўйхати бўйича сонининг доимийлиги, 
тахминий жисмоний тайёргарлиги ва саломатлик ҳолати доимийлиги қаттиқ тартибда 
сақланади. 
Жисмоний тарбия дарсининг умумий педагогик ва методик принциплари асосида 
ўтказилади. 
Жисмоний тарбия дарс олдига қуйидаги талаблар қўйилади : 
1. Дарснинг организмга таъсири ҳар томонлама бўлиши керак, яъни соғломлаштириш, 
таълимий, тарбиявий вазифалари ҳал этилиши зарур.
2. Бутун дарс жараёнида биринчи дақиқадан то якунгача ўргатиш ва тарбиявий 
вазифалари амалга оширилиши лозим.
3. Дарс жараёнида методик бир ҳил усуллардан воз кечиш, янги усуллардан, 
методлардан, машғулот мазмуни ва ўтказиш методикасини турли ўзгариши билан 
фойдаланиш. 
1.Шуғулланувчиларни индивидуал хусусиятларини хисобга олган ҳолда аста секин 
меъёрли ўқув фаолиятига ҳаммани жалб этиш. 
2.Дарс олдида қўйиладиган вазифалар аниқ ва конкрет қўйилиб, уларни шу машғулот 
жараёнида ҳал этилиши мумкинлиги хисобга олиниши керак. 
Ҳар бир машғулотда ўқув материалларини ўтишини кетма-кетлиги, узвийлиги 
таъминланиши лозим. Булар «онглилик ва фаоллик», «осон тушунарли ва 
индивидуаллаштириш» «кўргазмалик», «мунтазамлик» ва «талабларни аста секин 
ва тобора ошириб бориш» умумий методик қонунларга суянган ҳолда олиб борилади.