мавзу / соат / жуфтлик илмий ишларни тайёрлаш, структуралаш ва ёзиш

	3-МАВЗУ / 8 СОАТ / 4 ЖУФТЛИК Илмий ишларни тайёрлаш, структуралаш ва ёзиш.

Машғулот мақсади:
Фан бўйича ўрганиладиган барча мавзулар бўйича малака ва кўникмаларга эга бўладилар.

Мавзуни ўрганиш натижасида талаба:
Талабалар Илмий иш тайёрлаш тартиби унинг таркибий қисмларини тўғрисида маълумотига эга бўладилар.

Мустақил ишлаш учун адабиётлар рўйхати:

1. 
   Alice Oshima & Ann Hogue. Writing Academic English 5^th edition, Pearson.
   
2. 
   В. Алемасов, Ш. Мамадалиев. (2015) Илмий тадқиқот: методология, методика, ижодиёт
   
3. 
   https://ru.coursera.org/learn/naychnie-teksti - Научные тексты — учимся писать на русском и английском
   

Режа:

1. 
   Илмий иш тушунчаси ва унинг мохияти.
   
2. 
   Илмий ишнинг тузилиши ва асосий мазмуни.
   
3. 
   Илмий иш режасининг тузилмаси.
   

Илмий иш тушунчаси ва унинг мохияти.


Илмий иш бошқа ҳар қандай ишдан ўзининг мақсади— янги илмий билимни олиши билан фарқ қилади. Айни шу иш жараёнида воқелик ҳақидаги объектив билимлар ишлаб чиқилади ва бир тизимга солинади.
Бироқ фанда қандайдир бир янги илмий фактни аниқлаш камлик қилади, унга фан позициясидан туриб изоҳ бериш, унинг умумий билишга оид, назарий ёки амалий аҳамиятини кўрсатиш, шунингдек илгари маълум бўлмаган янги жараёнлар ва ҳодисаларни олдиндан кўра билиш талаб этилади.
Илмий иш бу аввало қатъий режали фаолиятдир. Гарчи фанда тасодифий кашфиётлар қилиниб турса-да, лекин фақат режали, замонавий воситалар билан пухта қуролланган илмий тадқиқот табиат ва жамиятдаги объектив қонуниятларни очиш ва теран билишга имкон беради. Шундан кейин аввал-бошдаги фикрнинг аниқ мақсадни кўзлаб ишланишини давом эттириш, олдиндан мўлжалланган тадқиқот схемасини аниқлаштириш, ўзгартириш, унга қўшимчалар қилиш жараёни кечади.
Илмий тадқиқот. Унинг умумий мақсади қуйидаги эҳтиёжларга
жавоб берадиган назарияни қуришдан иборат:

1. 
   фактларни таҳлил этиш, таснифлаш ва бир тизимга солиш (синтез қилиш);
   

2) реал оламнинг аниқ фактларини талқин қилиш ва англаб олиш;
3) янги натижаларни олдиндан айтиб бериш ва ҳодисалар ривожини башорат қилиш.