Матн муҳаррирлари ва процессорлари

Операцион тизим 
Шахсий компьютерларнинг операцион тизимлари яратилиш тарихи. Саккиз разрядли шахсий 
компьютерлар учун яратилган биринчи операцион тизим СР/М-80 (Control Programm fоr Microcomputers, 
микрокомпьютерлар учун бошқарувчи дастурлар) ном билан танилган. Унинг муаллифи Digital Research 
компаниясининг президенти Гэри Килдэлл бўлган. 
16 разрядли янги компьютерлар яратиш ғоясини дастурлар яратувчи Microsoft
(Майкрософт) 
компаниясининг асосчиси ва президенти, мультимиллиардер Билл Гейтс илгари сурган. IBM фирмаси билан 
ҳамкорликда ишлашга рози бўлади. 
Билл Гейтс ва Пол Аллен BASIC дастурлаш тили учун таржимон дастур ѐзишди ва у IBM фирмасининг 
MITS Altair компьютерига мослаштирилди. Шундан сўнг 16 разрядли компьютерлар учун операцион 
тизимлар яратиш жадаллашди ва 1981 йилда шахсий компьютерлар учун биринчи яратилган CR/M 
операцион тизимининг кўп ғояларини ўзида мужассамлаштирган MS DOS (Microsoft Disk Operation System - 
Майкрософт дискли операцион тизими) операцион тизими 1981 йил пайдо бўлди. 
MS DOS 64 K байт хотирага эга бўлган компьютерларга мўлжалланган бўлиб, ўзи 8 Кбайт хотирани 
эгаллар эди. Ўша пайтда етарли деб ҳисобланган бундай компьютер хотираси ҳозирги пайтда бир 
«ўйинчоққа» айланди. Чунки ҳозирги замон шахсий компьютерларининг хотираси бирнеча Гегабайтларга 
тенглашди. 
Муаллифлар MS DOS ни ривожлантиришни давом этириб, унинг MS DOS 1.1, MS DOS 1.25, MS DOS 
2.0, MS DOS 2-11 лахжаларини таклиф этишди ва ниҳоят, 1984 йилда MS DOS 3.0 IBM PC AT шахсий 
компьютерига 80286 микропроцессорга асосланган, 5.25 дюймли дисководда ишлашга, мўлжалланган 
операцион тизими яратилди. 1986 йилда Compaq Computer фирмаси 80386 микропроцессорга асосланган 
IBM компьютерини чиқарди. 
IBM фирмаси эса 80386 микропроцессорга асосланган PC/2 (Personal system - шахсий тизим) 
компьютерини яратди. Бу микропроцессор асосида яратилган компьютер назарий бир неча Гегабайт 
хотирага эга бўлиши мумкин эди. Аммо MS DOS эса 640К байт хотирага эга бўлган компьютерларга 

---

13 
мослашган эди. Шунинг учун MS DOS тизимини кенгайтириш ишлари давом этарди ва 1987 йил MS DOS 
3.3 яратилиб, у 3.5 дюймли, яъни 1,44 Мбайтли дисклар билан ишлаш имкониятини берди. 1987 йили IBM 
ва Microsoft фирмаси томонидан бир вақтда бир нечта масалалар ечишга қодир бўлган ОS/2 операцион 
тизими ишлаб чиқилди. Аммо у кенг тарқалмади. Чунки ўша пайтда MS DOS 3.3 нинг имкониятлари 
кўпчиликни қониқтирар эди. Ҳозирда биз кенг тарқалган Windows, Unix, Linux амалиѐт тизимларидан кенг 
фойдаланган бўлсакда MS DOS ўз кучини йўқотди деяолмаймиз. 
MS DOS ва унинг қобиқ дастури ҳисобланган Norton Commander тизимлари турли клавишлар 
комбинациясидан иборат буйруқлар билан ишлашга мўлжалланган бўлишига қарамай, фойдаланувчилар 
учун қулай ҳисобланади.