Матн муҳаррирлари ва процессорлари

Стример. Маълумотларни касетали тасма кўринишидаги хотира қурилмасига ѐзиш 
ва ундан ўқиш учун ишлатиладиган мослама. 
Проектор. Компьютердаги маълумотларни проекцион экранда катталаштириб 
кўрсатиш учун хизмат қилади. 
Компьютер хотираси 
Компьютер хотирасида дастурлар ва қайта ишланаѐтган маълумотлар сақланади. Хотиранинг хар хил 
турлари ва қурилмалари мавжуд бўлиб, уларнинг асосий характеристикаси ахборот сиғими ва тез 
ишлашидир. Шахсий компьютерниниг хамма хотиралари ташкил қилиниши хусусиятларига ва 
ишлатилишига кўра ички ва ташқи турларга бўлинади.
Ички хотиралар 
Компьютерни ўчирилса, бундай хотиралардаги маълумотлар хам (доимий хотирадагидан ташқари) ўчиб 
кетади. 
Тезкор хотира компьютернинг муҳим қисми бўлиб, процессор ундан амалларни бажариш учун дастур, 
берилганларни олади ва амални бажариб, натижани яна унда сақлайди. Шуни алоҳида таъкидлаш лозимки, 
компьютер ўчирилса, тезкор хотирада сақланаѐтган дастурлар ва берилганлар йўқ бўлиб кетади. Шунинг 
учун уларни қаттиқ дискда ѐки дискеталарда сақлаб қолиш керак.
Доимий хотира. Компьютерларда берилганлар унга аввалдан жойлаштирилган доимий хотира (BIOS-
Basic Input- Output System-киритиш чиқаришнинг асосий тизими) мавжуд. Бундай хотирадан фақат ўқиш 
мумкин. Шунинг учун ҳам у ROM (Read Only Memory-фақат ўқиш учун) деб аталади. IBM PC 
компьютерларда бу хотира компьютер жиҳозларини ишлашини текшириш, амалиѐт тизимини бошланғич 
юкланишини таъминлаш, қурилмаларга хизмат кўрсатишнинг асосий функцияларини бажариш учун 
ишлатилади. 
Кэш хотира. Кэш хотира компьютер ишлаш тезлигини ошириш учун ишлатилади. У тезкор хотира ва 
микропроцессор орасида жойлашган бўлиб, унинг ѐрдамида амаллар бажариш тезкор хотира орқали 
бажариладиган амаллардан анча тез бажарилади. Шунинг учун компьютер хотирасининг кўпроқ 
ишлатиладиган қисми нусхасини кэш хотирада сақлаб туради. Микропроцессорнинг хотирага мурожаатида, 
аввало, керакли дастур ва берилганлар кэш хотирада қидирилади. Берилганларни кэш хотирада қидириш 
вақти тезкор хотирадагига нисбатан анча кам бўлгани учун кеш хотира билан ишлаш вақти анча кам бўлади. 
PENTIUM_2,3 компьютерларда кэш хотира ҳажми 512 Кб ни ташкил қилади.
Видеохотира. Видеохотира монитор экранига видео маълумотларни (видеотасвирларни) сақлаб туриш 
учун ишлатилади. Шуни айтиш лозимки, видеотасвирлар (айниқса рангли) компьютер хотирасида кўп жой 
эгаллайди. Шунинг учун видео хотира ҳажми қанча катта бўлса, шунча яхши албатта. Видеохотиранинг 1 
Мбайтдан кам бўлмагани яхши.