Математика фанини ўҚитишда замонавий ёндашувлар ва инновациялар модули бўйича

5. Mavzu: Sportchilarni tayyorlash tizimida mashg’ulot va musobaqadan tashqari omillar.
Reja:
1. Sportchidan alohida olingan mikrosikllar bo‘yicha tayyorgarlikning vazifalari, vositalari, uslublari va tayyorgarlik davri.
2. Sportchilarda musobaqalar davri.
3. Tayyorgarlik davrlari va bosqichlarining mazmuni.
4. Mashqlar bilan shug‘ullanishlar davri.
5. Bevosita musobaqalar oldi tayyorgarligi bosqichiga o‘tib shug‘ullanishning o‘ziga xos xususiyatlari.


1. Sportchidan alohida olingan mikrosikllar bo‘yicha tayyorgarlikning vazifalari, vositalari, uslublari va tayyorgarlik davri.
«Biz tayyorgarlik degan tushunchani mashg‘ulot siklining butun fazasi ma’nosida tushunamiz. Bu vaqt ichida sportchilar sport «forma»si (davrning birinchi bosqichi) hosil qiladilar, o‘z imkoniyatlarini yaxshilaydilar, hamda sport «forma»sining hosil bo‘lishini ham (davrning ikkinchi bosqichi) ta’minlaydilar» – deydi A.P.Matveev.
Birinchi bosqich – umumiy tayyorgarlik bosqichi.
Asosiy vazifalar – sportchining umumiy jismoniy darajasini oshirish, sportchining funksional tizimi imkoniyatlarini ko‘paytirish, zarur sport texnikasi va psixik sifatlarni rivojlantirish. Ushbu bosqichda sport natijalarini bevosita oshirish ustida olib boriladigan navbatdagi ishlar uchun asos yaratiladi. Mazkur bosqichning muhim xususiyati sportchini ancha og‘ir yuklamalarga chidash qobiliyatini oshirish zaruriyati hisoblanadi. Bosqichdagi musobaqalashish mashqlarining hissasi oz bo‘ladi, bunda asosiy e’tibor umumiy tayyorgarlik hamda maxsus tayyorgarlik mashqlariga qaratiladi.
Ikkinchi bosqich – maxsus tayyorgarlik bosqichi.
Asosiy vazifa – bevosita sport «forma»sini yaratishdan iboratdir. Bunga yaxshi tayyorgarlik mashqlari, musobaqa sharoitiga yaqinlashtirilgan, shuningdek bevosita musobaqa mashqlari hissasini ko‘paytirib borish hisobiga erishiladi.
Musobaqalashish texnikasini takomillashtirib borishga katta e’tibor beriladi. Bu vazifa jismoniy sifatlarni rivojlantirish bilan birga hal qilib boriladi.
Musobaqalashish mashqlari vaqt bo‘yicha bir tekis taqsim-lanmaydi. Ularning soni bosqich oxiriga borib ancha oshiriladi. Bunda umumiy jismoniy tayyorgarlik yuksak darajada bo‘lishini saqlab turishga alohida e’tibor berish zarur.