Matematika fanida interfaol usullardan foydalanish

Debatlar-- o’z nuqtai nazarini asoslashda sinfdagi barcha o’quvchilarni yoki asosiy qismining bahslashuviga faol ishtirok etishini ta’minlovchi o’qitish uslubidir. Bu uslubdan foydalanish tanqidiy tafakkurni rivojlantiradi.O’quvchilar o’z nuqtai nazarini ishlab chiqishi, uni taqdim etishi va himoya qilishi, so’ngra raqib nuqtai nazarini rad etishi kerak. Bahs haqiqatni yuzaga keltirgani bois o’qituvchi sinfni ikki guruhga bo’lgan holda munozarani atayin avj oldiradi, guruhlarga bir-biriga zid nuqtai nazarlarni aytadi, bahsli topshiriqlar beradi. Bu usuldan o’zimning faoliyatimda juda ko’p qo’llayman. Debatlar va “ZAKOVAT” o’yinlarini tashkil qilganimda o’quvchilar berilgan savollarga atroflicha boshqa fanlar orqali javob topishga harakat qilishadi. Har gal keying o’yin qachon bo’lishini kutib qolishadi.
“Har kim har kimga o’rgatadi” – o’quvchilarga o’rgatuvchiga aylanish , ma’lum bilimlarni o’zlashtirgach, o’rtoqlari bilan baham ko’rish imkonini beruvchi o’qitish uslubidir. Bu uslubdan foydalanish jarayonida o’quvchi axborot olish va tarqatish bosqichlaridan biri sifatida izlashning muhim ekanligini anglab yetadi,
o’z fikrini lo’nda bayon etishni,axborotni diqqat bilan eshitish va eslab qolishni o’rganadi.
Yuqorida ko’rsatilgan interfaol uslub va usullardan foydalanish dars
samaradorligini oshirishda xizmat qiladi .Bu usullardan foydalanish turli xil
ko’rgazmali qurollar, tarqatmalar, texnik vositalar bilan to`ldiriladi.


3.O’quvchilar bilimini turli usullarda rag’batlantirish
O’quvchilarni darsga yanada qiziqtirish maqsadida ularni bilimini rag’batlantirish katta ahamiyatga ega. Men o’z darslarimda ana shunday usullardan ko’proq foydalanishga harakat qilaman .
Dars turlariga qarab rag’batlantirish usullari ham o’zgarib boradi. Darslar jarayonida o’quvchilarni moddiy hamda ma’naviy jihatdan rag’batlantirish mumkin .Shunday rag’batlantirish usullari borki,ularni barcha darslarda qo’llash mumkin.Men o’z darslarimda o’quvchilarni bilimini ragbatlantirish usullarimdan ayrimlarini ko’rsatmoqchiman.
Ko’p darslarimda men nishonlardan foydalanaman.

1.”Xotirasi kuchli o’quvchi” bu medal o’tgan mavzuni so’rash bosqichida

o’quvchilarga beriladi .Bu jarayonda o’tgan mavzuni barcha elemetlarini
esga tushira olgan o’quvchilarga beriladi.
2.”Eng zo’r notiq “ Yangi mavzuni bayon qilish jarayonida qo’llaniladi.
O’quvchilar tomonidan yangi mavzu aniq va ravon tilda gapirib bera oladigan,
mavzu yuzasidan mustaqil fikrlay oladigan o’quvchilarga beriladi.
Bundan tashqari “I-darajali”, “II-darajali”,”III-darajali “ nishonlarrdan ham foydalanish mumkin .
Bu nishonlar dars davomida faol qatnashgan,savol-javoblarga ishtirok etgan, qo’shimchalar kiritgan ,test va krassvordlar yechgan o’quvchilarga beriladi.

Dars davomida o’quvchilar nishonlardan xohlagancha rag’batlantirilishi mumkin. Bu bilan o’quvchilarni shu mavzuni o’rganish bo’yicha nechanchi o’rinda ekanligini aniqlash mumkin .
Bundan tashqari qatorlardagi o’quvchilar qo’lga kiritgan nishonlar soniga qarab g’olib qatorni yoki guruhlarni aniqlash mumkin.