Матбабаев М. М. “Электр техникаси, электр механикаси ва электр технолгиялари” кафедраси

7 - расм. Саноат частотасида ишловчи ИТП схемаси.

Схема таркибига кирувчи асосий жиҳозлар, булар электр манбаси-1; бир фазали печни манбага улаш зарурати учун конденсатор-3 ва дроссель-4 дан иборат учала фазадаги юкламани мувофиқлаштирувчи симметрлаш қурилмаси; конденсатор батареяси-5; печь-6; коммутацион шкаф-8; печни оғдирувчи гидравлик қурилма-7; печь индукторларини совутишга мўлжалланган циркуляцион қурилма-10; контактор-2 ва ҳаво хайдаш қурилмаси-9.

Мазкур схема бўйича ишловчи ИТП лар асосан маълум сиғимдаги печларга мансуб бўлиб, чўян эритишда 0,8 - 8 тоннагача ва рангли металл ёки енгил қоришмаларни эритишда 0,6 дан 3 тоннагачани ташкил қилади.
7 - расмда келтирилган печнинг умумий нархи 6-расмда келтирилган фақат электр машинали ўзгартиргичнинг нархига нисбатан 70 - 90 фоизни ташкил қилиб, электр энергиясининг беҳуда сарфи баланд частотадаги ИТП га нисбатан 10 фоизга камдир.
ИТП ларнинг учинчи тури - юқори частоталарда ишловчи ИТП лар бўлиб, улар лампали генераторлар орқали манбага уланадилар.
Улар асосан кичик габаритли печлар бўлиб, асосан кичик миқдордаги металл ёки қоришмаларни эритиш орқали, лаборатория шароитида янги маркадаги металл (қоришма) олиш учун ишлатилади.


ИТП ларнинг афзалликлари ва асосий параметрлари.

ИТП лар бошқа турдаги печларга нисбатан қуйидаги афзалликларга эгадирлар:

1) нисбатан осонликча юқори ҳароратлар ҳосил қилиш, бунинг оқибатида ИТП ларда юқори ҳароратда эрувчи металларни ва шунингдек, қийин эрувчан металлар иштирокида қоришмалар эритиш имконияти мавжуд;
2) металл билан ёқилғи (иссиқлик манбаи) ёки электродлар ўртасида ҳеч қандай контакт йўқлиги сабабли кимёвий жиҳатдан таркибан тоза металл ёки қоришма олиш имконияти;
3) эритиш жараёнида ҳосил бўлувчи электромагнит кучлар таъсирида эритманинг доимий қоришиб бориши;
4) вакуум ва нейтрал атмосферада эритиш жараёнларини амалга ошириш;
5) ИТП конструкциясининг нисбатан соддалиги, печни кичик майдонга жойлаштириш имконияти, катта иссиқлик энергияси концентрациясини ҳосил қилиш эвазига катта ишлаб чиқарувчанлигига эга бўлиш.
Ҳажми 2,5 тоннага тенг ёки ундан катта ҳажмдаги печлар частотаси 50 Гц бўлган манбага бирламчи кучланиши 6 ёки 10 кВ бўлган, иккиламчи кучланиши эса юклама остида бошқарилувчан пасайтирувчи трансформатор орқали уланади. Ҳажми 2,5 тоннадан кичик бўлган печлар эса частота ўзгартиргичлар орқали манбага уланади. Печнинг қуввати унинг сиғими ва ишлаб чиқарувчанлигига боғлиқ. Индуктордаги кучланиш 500 - 1700 В га тенг.
Дастлабки қиздириш учун мўлжалланган печлар (миксер )ларнинг қуввати печь қувватига нисбатан кичик бўлади. Масалан, ҳажми 10 тонна бўлган миксер (ИЧТМ - 10 - чўянни дастлабки қиздириш учун белгиланган миксерли индукцион тигель печи) қуввати 750 кВт ни ташкил қилса, ҳажми 10 тонналик чўян эритиш тигель печи ИЧТ - 10 нинг қуввати эса 2300 кВт га тенг. Пўлат эритиш учун белгиланган ИТП ларнинг ишчи ҳарорати 1600 - 1700 С, чўян эритувчи печларда эса ишчи ҳарорат 1400 - 1450 С га тенг.