Матбабаев М. М. “Электр техникаси, электр механикаси ва электр технолгиялари” кафедраси

Расм 9.12. Паст босимлм разрядланувчи лампа: 1-колба; 2-шиша оёқча; 3-электрод; 4-цоколь; 5-қисқичлар.
Паст босимли разрядланувчи лампа икки томонида шиша оёқчаларга эга шиша колбадан иборат (расм 9.12). Оёқчада учлари контактловчи штирлар орқали цоколга чиқарилган, биспирал кўринишида таййерланган вольфрамли электрод ўрнатилган. Электродлар оксид билан қопланган, бу юқори термоэлектрон эмиссияни таъминлайдиган ишқорий-ер металларни оксидлари.
Колба ичига аргон ва бир оз симоб киритилади. Аргон туфайли вольфрам спирални чангланиши чегараланади ва у симоб буғлари билан бирга лампа ёндирилишини енгиллаштиради.
Электр энергияси симоб буғлари электр разрядида оптик нурланиш энергиясига ўзгартирилади. Бу жараённи энергетик ФИК-и 65%-дан ошиши мумкин, аммо кўринадиган нурланиш келтирилган энергияни 2%-дан ошмайди. Нурланишни асосий қисми спектрни ультрабинафша (УБ) худудида тўлқин узунликлари 253,7 ва 184,9 нм бўлган монохроматик оқимлар кўринишида мужассамлашган бўлади. Симоб буғларини паст босимдаги электр разряди – бактерицид нурланишни қувватли манбаси.
Паст босимлм бактерицид (ДБ-дуговая бактерицидная-ёйли бактерицид) лампани колбаси УБ нурланишни С худудини ўтказишни коэффициенти юқори бўлган махсус увиол шишадан таййерланган.
Паст босимлм разрядланувчи лампадан симоб буғларидаги электр разряд берадиган тулқин узунлигидаги нурланишникидан каттароғини олиш учун люминофордан фойдаланилади, уни колбани ички сиртига юпқа қатлам қилиб қопланади. Бундай лампалар люминесцент дейилади.
Уларда оптик нурланиш электр энергиясини икки поғонали ўзгартиришдан кейиш олинади. Аввал электр энергияси электр разряд жараёнида УБ нурланиш энгергиясига ўзгартирилади. Кейин қисқа тўлқинли ёй разрядли УБ нурланиш люминофорда узун тўлқинли УБ ёки кўринадиган нурланишга ўзгартирилади. Люминесцент лампалар нурланишни спектрал таркиби ва конструктив бажарилиши билан фарқ қиладилар.
Нурланишни йўналтириб тақсимлаш учун тўғри қувурсимон, рефлектор дейиладиган ички қайтарувчи қатламга эга люминесцент лампалар чиқарилади. Ички қайтаргични мавжудлиги нурланишни асосан чиқиш ойна йўналишига қайта тақсимлаб қолмай, лампа иши ни амалда чангланишдан мустақил қилади. Аммо, рефлекторли лампаларни нурланиш оқими қайтаргичсиз лампаларникига қараганда 20…25% кам.