Масъулияти чекланган жамияти бухгалтерия ҳисобини юритиш сиёсати

4.7.4. Валюта курси фарқларини ҳисобга олиш тартиби

Компания ҳар ойда ҳисобот ойининг охирги кунидаги валюта баланс моддаларини Марказий банк курси бўйича қайта баҳолайди.

Валюта курси фарқлари бўйича харажатлар ва даромадларни акс эттириш тўғридан-тўғри компаниянинг молиявий натижаларига киритилади.

4.8. Балансдан ташқари счётлар

Компания балансдан ташқари қуйидаги ҳисобварақлардан фойдаланади:

"Фойдаланишдаги инвентарлар ва хўжалик жиҳозлари" - 014-счёт.

Инвентарлар ва хўжалик жиҳозларини фойдаланишга топшириш вақтида уларнинг қиймати ишлаб чиқариш харажатлари ёки давр харажатларига тўлиқ қўшилади ва шу билан бирга " Фойдаланишдаги инвентарлар ва хўжалик жиҳозлари " счётида акс эттирилади.

5. Бухгалтерия ходимлари лавозим йўриқномалари

Бухгалтерия бўлимининг ҳар бир ходимининг ўзига хос иш вазифалари, ҳуқуқлари ва мажбуриятлари лавозим йўриқномалари билан белгиланади.

Корхонанинг Бухгалтерия бўлими ходимларининг лавозимлари Бош бухгалтер томонидан ишлаб чиқилган ва бухгалтерия сиёсатини шакллантиришда, шунингдек корхона структураси ва бухгалтерия ҳисобини ўзгартиришда қайта кўриб чиқилиши керак.

6. Ишчи счётлар жадвали

Корхонанинг ишчи счётлар режаси бу молиявий ҳисобот элементлари: активлар, пассивлар, капитал, даромадлар, харажатлар, фойда ва зарарлар таснифига кўра гуруҳланган счётлар тўпламидир.

Ишчи счётлар режаси 21-сонли "Хўжалик юритувчи субъектларнинг молия-хўжалик фаолиятини ҳисобга олиш бўйича ҳисоб-китоблар режаси ва уни қўллаш бўйича кўрсатмалар" БҲМС асосида ишлаб чиқилган.