|
10
BUGUNGI KUNIMIZNING ENG DOLZARB MUAMMOSI YOSHLAR TARBIYASI
Yigitaliyeva Ezozaxon Jumaboyevna
Farg‘ona viloyati Uchko‘prik tumani
22- maktab MMIBDO‘ va milliy g‘oya
ma’naviyat asoslari fani o‘qituvchisi
Tel 97 503 07 74
Anotatsiya: Ushbu maqolada bugungi kunning dolzarb muammosidan biriga aylanib
borayotgan, jamiyatning barcha qatlamlari uchun birdek ahamiyatli bo‘lgan, hal qilinishi shart
va eng muhim hisoblangan davlat siyosating ustuvor yo‘nalishiga aylanib qolayotgan tarbiya
haqida fikr mulohazalar yuritiladi.
Kalit so‘zlar: globallashuv, “Odobnoma”, “Vatan tuyg‘usi, “Milliy g‘oya va ma’naviyat
asoslari”, “Tarbiya” fani”
Bugungi globallashuv jarayonida har bir soha jadallashib rivojlanib bormoqda. Qaysi sohani
olmaylik zamon ruhiga mos holda o‘zgarib, taraqqiy etib borayotganini guvohi bo‘lamiz.
Ijtimoiy iqdisodiy va madaniy sohalar qatori ta’lim sohasi ham zamon ruhiga mos taraqqiy etib
bormoqda. Bizga ma’lumki, 2001- yildan boshlab maktablarda “Odobnoma” “Vatan tuyg‘usi”,
“Milliy g‘oya va ma’naviyat asoslari”, fanlari o‘qitilib kelinmoqda edi. Bundan ko‘zlangan
maqsad esa Mustaqillikdan so‘ng odamlar ongida paydo bo‘lgan g‘oyaviy bo‘shliqni bartaraf
etish edi. Bu maqsadga erishish uchun esa ishni yoshlardan boshlash eng to‘g‘ri qaror edi, meni
nazarimda. Chunki yoshlar ertangi kun egalari demakdir. Shuning uchun, yoshlarni o‘zimizning
sof milliy g‘oyamiz ruhida tarbiyalash o‘sha davrning talabi bo‘lgan desak, tog‘ri bo‘ladi.
Endilikda esa bugungi kunimizning eng dolzarb muammosi - tarbiya masalasidir. Zamonaviy
pedagog ta’lim bilan tarbiyani uyg‘unlikda olib bora olishi zamonning talabiga aylanib borayotgan
bir davrda, Mamlakatimiz rahbari tomonidan 2019-yil 23-avgust kuni xalq ta’limi tizimini
rivojlantirish, pedagoglarning malakasi va jamiyatdagi nufuzini oshirish, yosh avlod ma’naviyatini
yuksaltirish masalalariga bag‘ishlangan videoselektor yig‘ilishida berilgan topshiriqlar ijrosini
ta’minlash yuzasidan Vazirlar Mahkamasining “Umumiy o‘rta ta’lim muassasalarida “Tarbiya”
fanini bosqichma-bosqich amaliyotga joriy qilish choralari to‘g‘risida”gi qarori loyihasi ishlab
chiqildi. Mazkur qaror loyihasi umumiy o‘rta ta’lim muassasalari o‘quvchilarining yoshi va
psixofiziologik xususiyatlarini inobatga olgan holda ularning ongiga umuminsoniy qadriyatlar
va yuksak ma’naviyatni yanada chuqur singdirish, ularni vatanparvarlik va insonparvarlik ruhida
tarbiyalash, umumiy o‘rta ta’lim muassasalaridagi ma’naviy-tarbiyaviy ishlarni yangicha asosda
tashkil etish, shuningdek, “Odobnoma”, “Vatan tuyg‘usi”, “Milliy g‘oya” va “Dunyo dinlari
tarixi” kabi fanlarni birlashtirgan holda yagona “Tarbiya” fanini bosqichma-bosqich joriy qilish
maqsadida ishlab chiqildi.
Bugungi jadallashib borayotgan bir davrda tarbiya bizning eng og‘riqli nuqtamizga aylanib
borayotgandek. Shu xususda, Prezidentimiz Sh. Mirziyoyev “Bizni hamisha o‘ylantirib keladigan
yana bir muhim masala – bu yoshlarimizning odob-axloqi, yurish-turishi, bir so‘z bilan aytganda,
dunyoqarashi bilan bog‘liq. Bugun zamon shiddat bilan o‘zgaryapti. Bu o‘zgarishlarni hammadan
ham ko‘proq his etadigan kim – yoshlar. Mayli, yoshlar o‘z davrining talablari bilan uyg‘un
bo‘lsin. Lekin ayni paytda o‘zligini ham unutmasin. Biz kimmiz, qanday ulug‘ zotlarning
avlodimiz, degan da’vat ularning qalbida doimo aks-sado berib, o‘zligiga sodiq qolishga undab
tursin. Bunga nimaning hisobidan erishamiz? Tarbiya, tarbiya va faqat tarbiya hisobidan” deb
ta’kidlab o‘tgan edilar. Darhaqiqat, ertangi kunimiz egalari, kelajagimiz egalarining barkamol
bo‘lib yetishishida barchamiz birdek mas’uldirmiz.
Fikrimcha, ushbu qaror esa zamon talabidan kelib chiqib ta’lim - tarbiyali, madaniyatli hamda
yuksak salohiyatli yoshlarni tarbiyalash uchun qo‘yilgan dastlabki qadamlardan biri bo‘ldi. Zero,
biz o‘zbek xalqiga xos azaliy xususiyat ham tarbiya hisoblanadi.
Xulosa o‘rnida, aytishimiz joizki, davlatimiz tomonidan qabul qilingan qaror yoshlarimizning
yorqin kelajagi hamda istiqboli uchun qo‘yilgan yana bir shahdam qadamlardan biri bo‘ldi deya,
qo‘rqmay ayta olamiz. Zero, ushbu yagona fan sifatida birlashtirilgan fanlarning barchasida
yagona ta’limiy yo‘nalish - tarbiya mavjud edi. Shu boisdan ham, ushbu fanlarni birlashtirgan
holda yagona fan joriy etish o‘rinli qaror bo‘ldi, deya olamiz. Ushbu qarorga muvofiq 1-sinfdan
698
10
11- sinfga ushbu fanni o‘qitish orqali o‘quvchilarda milliy va umuminsoniy qadriyatlarga
sodiqlik, diniy bag‘rikenglik va millatlararo totuvlikni mustahkamlash, shuningdek, ekstremizm,
terrorizm va boshqa buzg‘unchi g‘oyalarga nisbatan mafkuraviy immunitet hosil qilish imkoni
paydo bo‘ladi.
FOYDALANILGAN ADABIYOTLAR
1. “Milliy g‘oya va ma’naviyat asoslari” Qo‘chqorov. Mahmudov 10-11- sinflar uchun
“Toshken Poligraf Servise ” 2017.
699
Do'stlaringiz bilan baham: |
