Маърузалар 1-маъруза фармацевтик биоэтиканинг тарихи ва замонавий ҳолати

Талаба билимини текшириш учун саволлар
1. Амалий этика соҳасида тадқиқотларнинг пайдо бўлишига нима туртки бўлди?
2. «Биоэтика» атамасини илмий муомалага ким киритган?
3. Ривожланиш натижасида биоэтикада қайси икки йўналиш шаклланди?
4. Амалий этика анъанавий этикадан нима билан фарқ қилади?
5. Анъанавий этиканинг асосий йўналишлари қайси?
6. Анъанавий этиканинг норматив хусусиятини қандай тушунасиз?
7. Нима учун инсон ахлоқсиз?


2-МАЪРУЗА МАВЗУСИ
Профессионал биоэтиканинг фармацевтикадаги асослари: функциялари, меъёрлари, тамойиллари
Фан-техника тараққиёти натижасида шаклланган дунёқарашга кўра, инсонга ва барча тирик мавжудотларга маълум илмий мақсадларга эришиш учун таъсир кўрсатиш воситалари ёки объектлари деб қаралади. Тарихдан мисоллар, масалан, инсонлар ҳаёти ва соғлиғини «фан ва жамият учун» қурбон келтириш билан боғлиқ ҳолатлар бундай дунёқараш хавфли эканлигини тасдиқлайди. Инсонни табиатга қарши қўймасдан атроф муҳитга нисбатан оқилона муносабатни шакллантиришга кўмаклашадиган янгича дунёқарашнинг зарурлиги бугунги кунда аён бўлиб қолди. Дунёда илмий билимларнинг ютуқларидан фойдаланиш билан алоҳида одамлар, ҳамжамиятларнинг манфаатлари ўртасида зиддият кучайиб бораётир.
Биоэтиканинг шаклланиши юзага келган вазиятда қонуний ҳол бўлди. Биоэтика инсоннинг турли тириклик шаклларига, ҳайвонларга муносабатини кўриб чиқувчи амалий этика нуқтаи назаридан инсон хулқ-атворининг ахлоқий жиҳатларига тааллуқли бўлган фалсафий тушунча деб, инсоннинг ўзини қуршаган муҳит олдидаги масъулияти деб, инсоннинг хулқ-атвори ва бошқа инсонга муносабати деб тушунилади.
Инсоннинг хулқ-атвори ва бошқа инсонга муносабати этика қоидаларига қай даражада мувофиқлигини кўриб чиқиш жараёнида биоэтика тиббиёт этикаси – деонтология билан туташади. Дунёқараш сифатида биоэтика инсоннинг бутун дунёга муносабатини, унинг ўзини қуршаган олам ва ундаги ўз ўрни ҳақидаги тасаввурини англатади.