Маърузалар 1-маъруза фармацевтик биоэтиканинг тарихи ва замонавий ҳолати

-Фан-техника тараққиётидан инсоният фа­ровонлиги ва тинчлик йўлида фойдаланиш тўғрисидаги декларация ни(1975) қабул қилган.
Муҳим биоэтик халқаро ҳужжат сифатида БМТ Бош Ассамблеяси томонидан 1971 йил 20 декабрда Ақлий ривожланишда ортда қолган шахсларнинг ҳуқуқлари тўғрисидаги декларация қабул қилинган. Мазкур ҳужжат бундай шахсларнинг ҳуқуқларини ҳимоя қилишда асос вазифасини ўтайди. Бош Ассамблеянинг 1991 йил 17 декабрдаги 46/119-резолюцияси билан қабул қи­линган «Руҳий касал шахс­ларни ҳимоя қилиш ва психиатрия ёрдамини ях­ши­лаш»­га доир 25 тамойил ҳам эътиборга молик.
Шунингдек, БМТ Бош Ассамблеясининг 1971 йил 10 ноябрдаги 3384-резолюцияси билан қабул қилинган Фан-техника тараққиётидан инсоният фаровонлиги ва тинчлик йўлида фойдаланиш тўғрисидаги декларациянинг 7-бандида барча давлатлар ҳеч бир инсон ирқи, жинси, тили ёки диний эътиқодига кўра камситилмасдан, фан ва техника ютуқларидан фойдаланиш инсоннинг ҳуқуқлари ва асосий эркинликларини тўлиқ рўёбга чиқаришга имкон бериши учун барча чораларни кўришлари, жумладан, тегишли қонун ҳужжатларини қабул қи­лишлари лозимлиги назарда тутилган. Бундан таш­қари 8-бандга кўра барча давлатлар фан-техника ютуқ­ларидан инсон ҳуқуқлари, асосий эркинликлари ва қадр-қимматига зарар етказадиган тарзда фойдаланилишининг олдини олиш чора­ларини кўришлари шарт. Шубҳасиз, фан ва техника шиддат билан ривожланаётган ҳозирги асримизда мазкур декларациянинг аҳа­мияти янада ортиб бораверади. Бундан ташқари, биоэтика муаммоларини тартибга солувчи халқаро-ҳуқуқий нормалар сирасига Инсон ҳуқуқлари бўйича халқаро билль, БМТ, ЖССТ, ЖТА уставлари киради.
Соғлиқни сақлаш соҳасидаги Европа тажрибасини кўриб чиқадиган бўлсак, аввало шунга эътибор қаратиш керакки, Европа Кенгаши Инсон ҳуқуқлари тўғрисидаги конвенция тамойилларига мувофиқ табобатга оид қонун ҳужжатлари борасида аъзо давлатлар ўртасидаги ҳамкорликни изчил ривожлантириб бормоқда. Бу борада гап кет­ганда, биринчи навбатда, Европа ижтимоий хартияси (Страсбург, 1996)нинг 11-моддасида аъзо давлатлар ўз фуқароларининг саломатлиги ҳақида ғамхўрлик қи­лишлари шартлиги белгилаб қўйилганини ёдга олиш жоиз. Шунингдек, Ижтимоий хавфсизлик тўғрисидаги Европа кодексида олдини олиш, даволаш ва реабилитация қилиш характеридаги чоралар кўрилиши кафолатланган.