Маъруза ва семинар машгулотларни укитиш технологияси

«МОЛИЯВИЙ ХИСОБ» ФАНИ БЎЙИЧА МАЪРУЗА ВА АМАЛИЙ МАШҒУЛОТЛАРИНИ ЎҚИТИШ ТЕХНОЛОГИЯСИНИ ИШЛАБ ЧИҚИШНИНГ КОНЦЕПТУАЛ КОИДАЛАРИ

Ўзбекистон Республикаси иқтисодиётида амалга оширилаётган иқтисодий ислохатлар олий таълим тизими ўкув жараёнлари учун ҳам янги талабларни келтириб чиқармокда. Шундай талаблардан бири ўкув жараёнида илғор педагогик ва таълим технологияларидан самарали фойдаланиш ҳисобланади. Таълим жараёнида педагогик ва таълим технологияларидан фойдаланишдан асосий мақсад таълим олувчида етарли даражада билим, малака ва кўникмаларни хосил қилиш асосида тингловчиларда эркин ва мустақил фикр баён килиш кўникмаларини шакллантириш ҳисобланади.
Таълим жараёнларига замоновий педагогик технологияларни қўллашда таълим олувчининг шахсини хурмат қилиш, ҳар бир шахснинг эркин фикр билдиришига имконият яратиш, ижод билан шуғулланиши ва ўз-ўзини ривожлантиришга қулай ижтимоий ва психологик муҳит яратиш орқали тингловчини шахс сифатида мустақил фикрлашга ундайди. ўзбекистон Республикаси Президенти И.А.Каримов Олий Мажлиснинг 14-сессиясида сўзлаган нутқида: «Бизнинг олдимизда озод фуқора шахсининг маънавиятини, бошқача айтганда, озод ҳар томонлама ривожланган, ўз хуқуқларини яхши биладиган, кучи ва қобилиятига ишониб таянадиган, атрофдаги ходисаларга ўзининг мустақил фикри ва муносабати мавжуд, ўз манфаатларини Ватан ва халқ манфаатлари билан уйгунлаштирадиган шахсни тарбиялаш вазифаси турибди» деб таъкидлаган эди. Кадрлар тайёрлаш миллий дастурида хам ўкув жараёнида илғор педогогик технологиялардан кенг фойдаланиш кўп марта такрорлаб ўтилган. Буларнинг барчаси «Молиявий хисоб» фанининг махсус курси бўйича ўкув жараёнини технологиясини ишлаб чиқишга сабаб бўлди. Ушбу курс бўйича ўкув жараёнининг технологиясини ишлаб чиқишдаги асосий концептуал қоидалари қуйидагилардан иборат:
Шахсга йуналтирилган таълим. Таълим жараёнида қатнашувчи барча субъектларнинг кенг қамровли ривожланишини кузда тутади. Бу жараёнда тингловчи ўз ўқув фаолиятининг субъекти саналади ва педагог билан хамкорликда ягона таълим жараёнини ташкил қилишда қатнашади ҳамда ҳар бир шахснинг эркин фикр билдиришига имкон яратилади.