Маъруза ва семинар машгулотларни укитиш технологияси

Тизимли ёндошув. Таълим технологияси тулиқлилик, тизимли ёндошув ва ўзаро боглиқликда каби белгиларини қамраб олиши керак.
Фаолиятли ёндошув. Фаолият шахсни ривожлантиришдаги энг мухим ва хал қилувчи восита - асос хисобланади. Шу сабабли таълим олувчи шахснинг мустақил фикрлаши учун зарур сифатларни шакллантиришда унинг фаолиятини интенсивлаштириш ва фаоллаштириш, ўқув жараёнида унинг барча имкониятларини, сифатларини намоён этишига, қарама-қарши ёки монанд фикр айтишига шароит яратиш лозим.
Диалог ёндошув. Таълим жараёнининг ўқувчи ва ўқитувчи ўртасидаги мулоқат шаклида ташкил қилинишини ва уларнинг ўзаро хамкорлиги, психологик якдилик мухитини яратишни тақоза килади. Диалогик ёндошув асосида ташкил қилинган дарсда кўрилаётган масаланинг моҳиятига етиб бориш, тушуниш, англаш ва керак бўлса янги фикрлар билан тўлдириш имконияти юзага келади.
Хамкорликдаги таълимни ташкил қилиш. Ўқитувчи ва ўқувчи муносабатларини демократлаштириш, тенглик, ўзаро хурмат, хамкорлик, ўзаро ёрдамга асосланган ҳолда, фаолият мазмунини, мақсадини ва эришилган натижаларни хамкорликда баҳолайди. Асосий тамойиллари: гурухга умумий топширик, умумий рағбатлантириш, ўзининг ва гурухнинг бошқа аъзоларининг натижаларига масъулият, фаолият хамкорлиги ва натижага эришиш учун тенг имконият яратиш.
Муаммоли таълим. Муаммоли дарснинг асосий мақсади бахс ва мунозара асосида иштирокчиларнинг янги, мустақил фикрларга келиши, уларнинг турли вазиятларни илмий ва амалий таҳлил этиш орқали ўз фикрларини айтиб беришга ургатиш бўлганлиги сабабли, тингловчи шахсида эркин, мустақил фикрлашни шакллантириш воситаси хисобланади. Муаммоли дарс мантикий фикрлашни, илмий мушохода қилишини, ечимларни амалий фаолиятга ижодий қўллаш бўйича кўникмаларни ривожлантиради ва шакллантиради,
Янги восита ва усулларни қуллаш. Таълим жараёнида компьютер ва информацион технологияларни жорий этиш орқали маълумотларни кўргазмали шаклда етказиб беради.
Берилган концептуал қоидаларга ҳамда «Молиявий хисоб» фанининг махсус курсининг мақсади, вазифалари, хажми ва мазмунига асосланган холда таълим усули ва техникаси; ташкил килиш шакли; воситаси; коммуникация усуллари; берилган маълумотларни назорат килиш усул ва воситалари; баҳолаш ва назорат килиш тартиблари аникланди.