Маъруза режаси Ғишт-тош териш ишларининг мақсади. Умумий қоидалар

7-мавзу Ғишт-тош териш технологияси
Маъруза режаси
1.Ғишт-тош териш ишларининг мақсади. Умумий қоидалар.
2.Ғишт-тош терими элементлари. Ғишт-тош терими учун материаллар.
3.Ғишт-тош терими учун қоришмалар. Ғишт-тош терими қоидалари.
4.Теримни боғлаш системалари ва турлари. Харсанг тошли ва харсангбетонли терим


1.Ғишт –тош териш ишларининг мақсади. Умумий қоидалар.

Табиий тош материалларининг табиатда кенг тарқалганлиги сероблиги ва сунъий материалларни тайёрлаш учун хом ашёнинг кўплиги, шунингдек мустақиллик ва чидамлилик, ўтга бардошлилик каби муҳим хоссалларининг мавжудлиги қурилишда тош материалларининг кенг тарқалишига имкон беради.

Тош ишларининг вазифаси – пойдеворларни, биноларнинг кўтарувчи ва тўсувчи конструкцияларини барпо этиш, декоратив пардозлашдир.
Тош конструкциялари қоришма билан бир бутунга бириктирилган алоҳида тошлардан иборат бўлиб қоришма қотиши натижасида яхлит (монолит) массив хосил бўлади.
Тош теришнинг камчиликлари-конструкцияларнинг нисбатан катта массада бўлиши, меҳнат унумдорлигининг кичиклиги моддий харажатларнинг юқорилиги, териш жараёнини механизациялашнинг имкони йўқлигидир.
Қўлланиладиган материалларнинг турига боғлиқ ҳолда тош терими сунъий ва табиий тошлар теримига ажратилади. Ўз навбатида сунъий тошлардан терим учун яхлит ва ичи бўш ғишт, яхлит ва ичи бўш тўғри тўртбурчакли тошлар (блоклар)дан фойдаланилади.
Қўлланиладиган тошларга боғлиқ ҳолда терим турлари:
Ғиштли - лойли ва силикатли яхлит ва ичи бўш ғиштдан;
Ғиштли кошинлаш билан-табиий ва сунъий тошлар ва блоклардан:
Майда блокли-қўлда териладиган табиий (чиғаноқлар, ғовак тудалар) ёки сунъий, бетонли ва керамик тошлардан;
Силлиқланган (йунилган) - қўлда ёки кран ёрдамида териладиган тўғри шаклли ишлов берилган табиий тошлардан;
Харсангтош – нотўғри шаклдаги табиий тошлардан;
Харсангтошбетонли – одатда опалубкада харсанг тошлар ва бетон аралашмасидан,.