Ma’ruza O’rta osiyo paleolit davri asosiy muammolari

Texniko-tipologiya sohasida. Xalqaro hamkor ekspedisiyalarning sa’y-harakatlari bilan yurtimizdagi yodgorliklardan minglab tosh buyumlar yig’ib olindi. Ushbu industriyalardagi tipologik nomenklaturalarning aksariyati bizga ilgari ham ma’lum edi. Biroq, ular orasida yangilari ham mavjud. Masalan, Qo’tirbuloq manzilgohida olib borilgan O’zbekiston-Polsha xalqaro qo’shma ekspedisiyasi tomonidan fanda noma’lum bo’lgan tip – “qo’tirbuloq tipidagi paykonlar” birinchi marta aniqlandi va ilmiy muomalaga kiritildi.

Bundan tashqari, O’zbekiston-Rossiya qo’shma ekspedisiyasi tomonidan topib o’rganilgan so’ngi paleolit davriga xos To’daxotin makoni industriyasi orasidan O’zbekiston paleolitshunosligi tarixida birinchi marotaba ushbu davrga oid geometrik qurollar aniqlandi. Ushbu qurollar tiplarining ilmiy muomalaga kiritilishi O’zbekistonning mezolit davri jamoalari genezisi masalalarini qayta ko’rib chiqishni taqozo etadi.