Маруза матни

13-маъруза.
Липидлар. Ёғ кислоталари. Физик-кимёвий хоссалари. Нейтрал липидлар, Фосфолипидлар

Липидлар деб ҳайвонларнинг тўқималари таркибига кирувчи сувда эримайдиган эфир моддаларига айтилади. Буларга ёғлар, яъни глицериннинг тўлиқ мураккаб эфирлари, фосфатидлари, яъни ёғ кислоталари, диглициридлари киради. Бунда глицерин қисман фосфат кислотаси билан эфирланган, яъни спирт ўзининг учинчи гидроксили аминолспирт - холин HO-CH₂-CH₂-NH₂ билан эфирлашган бўлади.

Ёғ кислоталари
Ёғ кислоталари бир томонида карбоксил (-СООН) гурухи тутувчи узун углеводород занжиридан иборат моддалардир. Углеводород қисми тўйинган ёки қисман тўйинмаган бўлиши мумкин. Тўйинган ёғ кислоталар бир томони охирида метил (-СН₃) гурухини, ҳар хил миқдорда метилен (-СН₂) гурухини ва иккинчи томони охирида карбоксил (-СООН) гурухини тутади. Уларнинг узунлиги организмга қараб С₁₄ дан С₂₂ гача ўзгариши мумкин. Бунда кўпинча С₁₆ (пальмитин) ва С₁₈ (стеарин) ёғ кислоталари учрайди. Тўйинмаган ёғ кислоталар битта (моноен) ёки кўпроқ (полиен) қўшбоғларни тутади. Битта қўшбоғ тутувчи тўйинмаган ёғ кислоталар орасида кўпинча С₁₆ (пальмитоолеин) ва С₁₈ (олеин) кислоталар, учта қўшбоғ тутувчи тўйинмаган ёғ кислоталар орасида эса С₁₈ (линолен) кислотаси ва тўртта қўшбоғ тутувчи тўйинмаган ёғ кислоталардан С₂₀ (арахидон) кислотаси учрайди:

пальмитин кислотаси	стеарин кислотаси
пальмито-олеин кислотаси	олеин кислотаси
линолеин кислотаси
арахидон кислотаси

Бу кислоталар асосан ҳайвонлар, одамлар ва ўсимликларнинг ёғлари таркибига кирадилар. Тўйинган углерод занжирига эга бўлган кислоталар қаттиқ ёғлар таркибига кириб, улар асосан ҳайвонлар ва одамлар ёғларида бўлади. Углерод занжири қисмида қўшбоғ тутувчи кислоталар эса ўсимликларда учровчи суюқ ёғлар таркибига кирадилар.