Ma’ruza. Kirish. Diagnostikalash atamalari va usullari

1.3. Diagnostikalash – mashinaning holatini boshqarish asosidir
Obyektning texnik holatini, uning qismlarga ajratmasdan yo‘ldosh bel­­gi­lar bo‘yicha aniqlash texnik diagnostika deb ataladi.

Mashinalarni texnik diagnostikalash – ishlatish davriga taa­lluqli fan­ning bir bo‘lagi bo‘lib, bu davr ichida agregatlarning buzilishi va nosoz­lik yuzaga kelishi mumkin bo‘lgan holatlar va ularning vujudga kelish belgilari aniqlanadi hamda bartaraf etish yo‘llari, usullari va vosita­lari belgilanadi, shu bilan birga mus­tah­kamligini yuqori darajada saq­lash uchun chora-tadbirlarni qo‘llash tavsiya etiladi.

Texnik diagnostikalashning usuli va vositalari yordamida, aniq har bir mashina yoki qishloq xo‘jaligi mashinasining texnik holatini aniqlash­ga imkon yaratiladi va bu har bir mashinaning potensial mustahkam­li­gi­dan to‘liq foydalanishga sharoit yaratadi.