Ma’ruza-7 tcp/ip protokollari stekining modeli. Reja: Ko’p darajali tuzilma

6. Tarmoq darajasi. 
Tarmoq darajasi ikkita xostlar orasida deytagrammalarning uzatlishini 
ta’minlaydi. Internet transort darajasi protokoli (TCP yoki UDP) segment va 
jo’natish manzilini tarmoq darajasi IP protokoliga uzatadi, tarmoq darajasi IP 
protokoli esa segmentni oxirgi xostga etkazadi va uni transport darajasiga teskari 
uzatadi. Tarmoq darajasi IP protokoliga ega bo’lib, u deytagrammaning maydonini 
va ularning tarkibini marshrutizatorlar va oxirgi tizimlarga interpretatsiyalanishini 
(talqin qilinishini) aniqlaydi. Tarmoq darajasi shuningdek jo’natuvchidan 
manzilgacha deytagrammalarning yo’llarini aniqlash uchun mo’ljallangan ko’p 
sonli marshrutlashtirish protokollariga ega. IP protokoli va marshrutlashtirish 
protokollarining funktsional farqlanishiga qaramasdan ularni odatda umumiy IP 
nom ostida birlashtiriladi, bu bilan ularning global Tarmoqni tashkil etilishidagi 
bog’lovchi roli ta’kidlanadi.