Маъруза №7 Мавзу: Дастурий таъминотни ташқи лойихалаш

Маъруза №7
Мавзу: Дастурий таъминотни ташқи лойихалаш. Алгоритмни яратиш. Ташқи лойихалаш. Дастурий таъминот архитектурасини конструкциялаш. “Ташқи тасниф” хужжати. Фойдаланувчи билан мулоқатни ташкил этиш.


Алгоритмни ишлаб чиқиш

Алгоритмни ишлаб чиқиш – энг мураккаб ва кўп меҳнат талаб этувчи, лекин ижодий нуқтаи назардан қараганда энг қизиқарли жараёндир.

Ишлаб чиқиш методини танлаш, масаланинг қўйилиши ва унинг моделига боғлиқ. Ушбу босқичда алгоритмнинг тўғрилигини текшириш лозим. Бу эса осон эмас, кўп меҳнат талаб этади. Алгоритм тўғрилигини исботлашнинг кенг тарқалган процедураси – бу турли тестлар мажмуидан уни ўтказишдир. Аммо булар ҳам дастурнинг тўғри ишлашига кафолат бера олмайди. Алгоритм тўғрилигини исботлашнинг умумий методикасига асосан алгоритм, қадамлар кетма-кетлиги кўринишида тавсифланади. Ҳар бир қадам учун ҳамма киритилиши (ушбу қадамгача бўлган шартлар асосида) ва чиқарилиши (ушбу қадамдан кейинги шартлар ҳисобга олинган ҳолда) лозим бўлган маълумотлар асосида унинг тўғрилигини исботловчи биронта исбот таклиф этилади. Сўнгра якуний киритиладиган ва чиқариладиган маълумотлар билан алгоритмнинг тугалланганлиги исботи таклиф этилади [21].

Программавий маҳсулотларни конструкциялаш

Конструкциялаш ёки ташқи лойиҳалаш рўёбга чиқариш босқичида маълум бир мақсадлар аниқлнагндан сўнг бошланади. Программавий маҳсулотларга бўлган барча талаблар аниқлангандан кейин эса, бу босқичда иш тўлалигичи олиб борилади. Бу босқич ўз навбатида бир қанча босқичлардан ташкил топган, масалан:

Юқори сатҳдаги дастлабки ташқи лойиҳа – бу босқичда фойдаланувчи билан мулоқот аниқланади, аммо бу мулоқотни амалга оширувчи ахборотларнинг кириш форматлари аниқланмаслиги мумкин. Дастлабки ташқи лойиҳа икки хил йўналишга олиб келиши мумкин: тўла ташқи лойиҳа, системаларнин архитектураси. Ташқи лойиҳани тўла кўринишда бажаришда фойдаланувчи билан мулоқотнинг барча томонлари текширилади. Системанинг архитектурасини аниқлаш жараёнида эса бир бутун лойиҳаларни ташкил қилувчи программалар, қисмлар, модуллар, компоненталар ва улар орасидаги боғлиқлик аниқланади. Буларнинг барчаси программалар архитектурасини лойиҳалашга, модулларни ташқи лойиҳалашга, маълумотлар базасини лойиҳалашга олиб келади.