Ma’ruza №1 Mavzu: Puxtalik nazariyasining asoslari. Reja

---

Ma’ruza №1 
Mavzu: Puxtalik nazariyasining asoslari. 
 
Reja: 
1.1.Fanning vazifalari 
1.2. Mashina va jihozlarninng ishlash sharoiti va 
detallarning chidamliligi 
1.3.Materiallarning yeyilishi, toliqishi va eskirishi. 
1.4. Ishonchlilikning falsafiy jihati 
1.5. Ishonchlilikning iqtisodiy jihati 
 
1.1.Fanning vazifalari 

mashina va jihozlarning ekspluatatsiyasidagi ishonchlilik ko‘rsatkichlari va 
diagnostikalash tizimi to‘g‘risida tasavvur hosil qilish;

mashina va jihozlarning ishonchliligi va ishlash qobiliyatini ta’minlashni 
o‘rganish, ularning ishonchliligini baholash hamda diagnostika usullari va 
vositalarini amalda tadbiq qilishni o‘rganish;

mashina va jihozlarning asosiy ekspluatatsion xarakteristikalarini tajribaviy 
aniqlash, ekspluatatsiya sharoitida ma’lumotlarni yig‘ish, ishlov berish va 
tahlil etish bo‘yicha ko‘nikmalar hosil qilish.
Umuman, ishonchlilik muammosi bashorat qilish masalalari bilan bog‘liq. 
Mashina va jihozlarning yaratilishining ilk bosqichlarida konkret 
ekspluatatsiya sharoitlari uchun ishonchlilikni baholash talab etiladi. 
Ishonchlilik to‘g‘risidagi fan vaqt o‘tishi bilan obektlarning sifat 
ko‘rsatkichlari (aniqlik, quvvat, unumdorlik, resurs va h.k.) o‘zgarishining 
jarayonini o‘rganadi. 
Ishonchlilik muammolarining o‘ziga xos xususiyatlari quyidagilardan iborat:

1. Obekt ekspluatatsiyasi jarayonida boshlang‘ich parametrlarning o‘zgarishi 
vaqt omili orqali baholanadi;

2. Obektning texnik holati, uning chiqish parametrlari (sifat 
ko‘rsatkichlari)ni saqlab qolish nuqtai nazaridan oldindan aytib beriladi 
(bashorat qilinadi).