Ma’ruza – To‘plami (I-II kurslar uchun) Bilim sohasi

Abstraktsiya
Abstract
Abstrakt tafakkur – moddiy olamdagi narsa va hodisalarni, ularning muhim tomonlari, aloqadorliklarini maqsadaga muvofiq holda bavosita va umumlashgan holda inson miyasida in’ikos etishi.	Abstraktnoe mыshlenie	Abstract thinking
Avesto – zardushtiylik dinining asosiy kitobi; «nasihat­noma», «qonunlar to‘plami», «bilimlar majmuasi» sifatida talqin qilina­digan tarixiy manba. Avesto – Turon, Xuroson, Ozar­bayjon, Iroq, Eron, Kichik Osiyo xalqlarining mil.av.gi qadimgi davrdagiijtimo­iy-iqtisodiy hayoti, diniy qarashlari, olam va odam to‘g‘risidagi tasavvur, urf-odat va ma’naviy qadri­yatlari haqida ma’lumot beruv­chi asosiy manba. U miloddan avvalgi VII-VI asrlarda Markaziy Osiyo­da yaratilgan qomusiy asar. Unga ko‘ra, hayotning kechishi tabiatda (nur va zulmat), borliqda (hayot va o‘lim), ijtimoiy hayotda (yaxshilik va yomonlik), nafosat olamida (go‘zallik va xunuklik), dinda (Ahura Mazda bilan Ahrimanning azaliy va abadiy kelishmasligi) turli kuchlar o‘rtasidagi kurash shakllari sifatida namoyon bo‘ladi.	Avesta	Avesto
Agnostisizm (yunon. agnostos – bilib bo‘lmaydigan) – ob’ektiv borliqni, dunyoni to‘liq bilishi mumkin emas, deb hisoblaydigan falsafiy ta’limot; unga ko‘ra inson narsalarning mohiyatini bi­lish­ga, ular xaqida aniq bilimga ega bo‘lishga qodir emasdir.	Agnostitsizm	Agnosticism
Ayniyat qonuni (lot. lex indentitatis) – formal mantiqning aso­siy qonunlaridan bo‘lib, bu qonunga ko‘ra muhokama jarayonida ma’­lum predmet to‘g‘risidagi fikr hajm jihatidan barqaror muayyanlik­ni saqlashi kerak. Bu qonun fikrni aniq ifodalashni talab qiladi. Muhokamada har bir tushuncha aynan bir ma’noda ishlatilmog‘i lozim. Uning formulasi A=A dir.