Maqsad: o’quvchilarda o’quv motivatsiyasini shakllantirish, muloqot ko’nikmalari, bir-birini o’zaro tushunish, sherikchilik, o’zaro mas’uliyatni sezish kabi xislatlarni, bilish jarayonlari, jumladan diqqat, sezgi, idrok, xotira, xayol

6-mashq.
«Savatcha» mashqi.
Maqsad: Mashq o’quvchilarda diqqat, mantiqiy tafakkurni rivojlantiradi, guruhlarga ajrata olish qobiliyatini va fikrlash tezligini oshiradi.
Mashqning borishi: Ishtirokchilar ikki guruhga ajratiladi. Birinchi guruhga mevalarni, ikkinchi guruhga sabzavotlarni olib o’z savatchalariga solish so’raladi. Vazifani tez va to’g’ri bajargan guruh g’olib hisoblanadi.


7-mashq.
«Yil fasllari» mashqi.
Maqsad: o’quvchilarga emotsional holatlarni imitatsiya qildirish orqali ularning emotsional sohasini korrektsiya qilish va rivojlantirish.
Mashqning borishi: Olib boruvchi tomonidan yil fasllari aks ettirilgan rasmlar ko’rsatiladi. Har bir fasllar bolalar bilan tahlil qilinib, har bir fasldagi vaziyatni his qilish so’raladi. Masalan, qishdagi sovuqni, qorbo’ron o’ynayotganini, bahorda ochilgan gullarni hidlayotganini, yozda isib ketayotganini, cho’milayotganini, kuzda to’kilgan barglar ustidan yurayotganini ko’rsatib berish so’raladi.


8-mashq.
«Hayvonni tasvirlab ber» mashqi.
Maqsad: Mashq tasavvur, ijodiy qobiliyat, dunyoqarashni rivojlantiradi hamda jismonan dam olishni ta’minlaydi.
Mashqning borishi: Avvalo o’quvchilarga musiqa qo’yib, relaksatsion mashq o’tkaziladi. So’ng biror hayvonning rasmi ko’rsatilib, o’sha hayvonni gavda, qo’l harakatlari va tovush yordamida tasvirlab berish so’raladi.


9-mashq.
«Ortiqchasini top» mashqi.
Maqsad: o’quvchilarda diqqat va mantiqiy tafakkurni rivojlantirish.
Mashqning borishi: Olib boruvchi o’quvchilarga 3tasi bitta umumiylikka ega bo’lgan va bittasi ulardan farq qiluvchi 4 ta rasm ko’rsatadi. Bolalar ulardan ortiqchasini topishlari lozim bo’ladi.


10-mashq.
«o’xshashlik va farqni top» mashqi.
Maqsad: o’quvchilarda diqqat, mantiqiy tafakkur va ijodiy qobiliyatni rivojlantirish.