Maqsad: o’quvchilarda o’quv motivatsiyasini shakllantirish, muloqot ko’nikmalari, bir-birini o’zaro tushunish, sherikchilik, o’zaro mas’uliyatni sezish kabi xislatlarni, bilish jarayonlari, jumladan diqqat, sezgi, idrok, xotira, xayol

2- mashq.Tanishuv.
«Suv, havo, er» mashqi.
Maqsad: o’quvchilarning eshitish va harakat sezgilarini, diqkatini rivojlantirish.
Mashqning borishi: Ishtirokchilar aylana bo’lib o’tiradilar. Olib boruvchi o’yin sharoiti bilan tanishtiradi: agar u «er» desa, hamma qo’lini pastga tushirishi kerak, agar «suv» desa, qo’llarni o’ngga- chapga harakatlantiradilar. «Havo» deganda, qo’llarini osmonga ko’taradilar, o’yin bir necha marotaba takrorlanadi.
3-mashq.
«Bo’lgan va bo’lmagan voqealar» mashqi.
Maqsad: o’quvchilarda diqqat va mantiqiy tafakkurni rivojlantirish.
Mashqning borishi: Olib boruvchi biron holatni aytadi. Ishtirokchilar ushbu vaziyatni diqqat bilan eshitib, aytilgan fikr bo’lishi mumkin bo’lgan vaziyat bo’lsa chapak chalishlari, agar bo’lishi mumkin bo’lmagan holat bo’lsa oyoq dupurlatishlari lozim. Adashgan ishtirokchi mag’lub bo’lgan hisoblanadi.
Dadam ishga ketdi.
Mushuk ovqat pishirayapti.
Poezd osmonda uchib ketayapti.
Qishda qor yog’ayapti.
Bola dumini likillatmoqda.
O’quvchi maktabga keldi.
Sigirning qanoti bor.
Qizcha dars qilayapti.
4-mashq.
«yashiringan buyumlar» mashqi.
Maqsad: o’quvchilarda ixtiyoriy diqqat va ko’ruv xotirasini rivojlantirish.
Mashqning borishi: Olib boruvchi ishtirokchilarga biror buyumlarni ko’rsatib, so’ng ularni yana berkitadi. Bolalarga «qanday narsalar bor edi?», «qanday rangdagi narsalar bor?», «qanday shakldagi narsalar bor?», «Nimada ko’llaniladigan narsalar bor?» deb so’raladi. Agar bolalarning esidan chiqib qolsa, narsalar ochib ko’rsatilib yana yopib qo’yiladi. Bunda muhimi bolalarning o’sha narsalarga diqqatlarini qaratishlaridir.


5-mashq.
«Sonlarni izlab top» mashqi.
Maqsad: o’quvchilarda ixtiyoriy diqqat va mantiqiy tafakkurni rivojlantirish.
Mashqning borishi: Olib boruvchi tomonidan o’quvchilarga rasm ko’rsatilib , o’sha rasmda yashiringan sonlarni topib berish so’raladi.