Мақола ва тезислар номи

Европа молиявий интеграцияси кўрсаткичлари
Европа Марказий банки томонидан 
ҳисоблаб чиқилади. Улар иккита жамлама индикаторлар асосида тўртта асосий сегментни 
(пул, облигация, акция ва банк хизматлари бозорлари) нарх ва миқдор бўйича 
тавсифлайди.
154
Бунда юқоридаги “молиявий маҳсулотлар” ҳар бир Европа иттифоқига аъзо 
мамлакат ичидаги, евроҳудуддаги ва бошқа мамлакатлардаги нархи ва оқими миқдорини 
баҳолайди. 
Европа Иттифоқи иқтисодий интеграция индекси
тузилмага аъзо мамлакатларнинг 
интеграциялашув даражаларини 4 ўлчамда баҳолашни назарда тутади.
155
Хусусан, ЕИ 
умумий бозорига интеграциялашув даражаси (мамлакат учун Евроиттифоқ иқтисодиётининг 
муҳимлиги ва очиқлиги савдо, капитал ва ишчи кучи оқими кўрсаткичлари орқали 
ўлчанади), мамлакатларнинг ўхшашлик даражаси (аҳоли жон бошига тўғри келувчи даромад, 
харид қобилияти, меҳнатга ҳақ тўлаш даражаси узоқ муддатли фоиз ставкалари, давлат қарзи 
ва солиқ ставкалари миқдори асосида баҳоланади), аъзо мамлакатларнинг тузилмадаги 
макроиқтисодий ўсиш даражаси билан синхронлиги (иқтисодий ўсиш, инфляция, ишсизлик, 
давлат бюджети тақчиллиги) ҳамда институционал мувофиқлик даражаси (Евроиттифоқ 
доирасидаги тузилмаларда иштирок этиш ҳамда Европа комиссияси ва Европа суди 
қарорлари бўйича мажбуриятларни бажариш). 
Жанубий-шарқий Осиё давлатлари Ассоциацияси
(АСЕАН) интеграциялашув 
кўрсаткичларини қуйидаги йўналишларда баҳолайди: (1) товарлар савдоси; (2) хизматлар 
савдоси; (3) инвестициявий муҳит; (4) молиявий интеграция; (5) малакали ишчи кучи ва 
ишбилармонларнинг ташрифларини осонлаштириш; (6) глобал қиймат занжиридаги 
иштироки.
156
Осиё тараққиёт банки ҳузуридаги Осиё минтақавий интеграция маркази савдо, 
молиявий ресурслар ва инсонларнинг мамлакатлараро оқимини тадқиқ этиш бўйича 
қуйидаги кўрсаткичлар тизимидан фойдаланади. 
2-жадвал