Mantiqiy masalalar

162. Har bir ifodada qavslarni shunday qo‘yingki, tengliklar to‘g‘ri bo‘lsin:
60:4+2•3=6 60:4+2•3=30 60:4+2•3=51
163. Qutichada 2 ta ko‘k va 3 ta qizil qalam bor. Ikkita bir xil rangli qalam chiqishi uchun qutichadan nechta qalam olish kerak?


164. Qutichada 12 ta ko‘k va 18 ta qizil qalam bor. Qutichadan 15 ta qalam olindi. Qutichada hech bo‘lmaganda bitta qizil qalam qoladimi?


165. Bolada bir nechta tanga bor edi. U hisoblab ko‘rib, agar bitta shokolod olsa, 2 ta tangasi qolishini, agar ikkita shokolad olsa, bitta tanga yetmasligini aniqladi. Bolada nechta tanga bo‘lgan?


166. Rasul va Mahfuzada bir xil miqdorda kitob bor edi. Oldin Mahfuza Rasulga bitta kitob, keyin Rasul Mahfuzaga 3 ta kitob sovg‘a qildi. Rasulga qaraganda Mahfuzada qancha ko‘p kitob bo‘ldi?


167. Yangi uyga 6 ta stul va 2 ta kursi olib kelindi. Bu buyumlardan 3 tasi oshxonaga qo‘yildi. Oshxonaga stul qo‘yilganmi?


168. Perimetrlari teng bo‘lgan, lekin birining tomoni ikkinchisining hech bir tomoniga teng bo‘lmagan ikkita to‘g‘ri to‘rtburchak chizish mumkinmi?


169. Kitob javonining uchta tokchasida 105 ta kitob bor. Birinchi tokchadagi kitoblarga yana 15 ta kitob qo‘shilgandan so‘ng hamma tokchalardagi kitoblar baravardan bo‘ldi. Birinchi tokchada nechta kitob bo‘lgan?


170. Bir velosipedchi soatiga 12 km tezlik bilan 48 km yo‘l yurdi. Ikkinchisi esa masofani soatiga 16 km tezlik bilan bosib o‘tdi. Birinchi velosipedchi ikkinchi velosipedchiga nisbatan necha soat ortiq yo‘l yurgan?


171. Ikkita qayiqlar to‘xtash joyida teng miqdorda qayiqlar turibdi. Ulardan 25 tasi suvga tushgandan keyin birinchi to‘xtash joyida 10 ta, ikkinchisida esa 5 ta qayiq qoldi. To‘xtash joyida nechtadan qayiq bo‘lgan?


FOYDALANILGAN ADABIYOTLAR
1. Afonina S.L. “Matematika va go’zallik” Toshkent, “O‘qituvchi”, 1987.
2. A'zamov A., Yusupov A."O'quvchilarga bilim berishda innovatsion usullardan foydalanish" Toshkent. 2002.
3. Jumayev M.E, Jumayev E.E, Adilxanova N.A. “Matematika o’qitish metodikasi”. Toshkent,“Ilm Ziyo”. 2003.
4. “Erudit” gazetasi. 2015 yil sonlari.