Ma’muriy rejim

30 KAZUS
30. Shahrisabz tuman Yuqumli kasalliklar shifoxonasi boshlig‘i B.Sanayev Qarshi tumanlararo maʼmuriy sudga murojaat qilib, Shahrisabz shahar hokimining 2019 yil 25 dekabr kunidagi X-3076/12–sonli qaroriga asosan Shahrisabz shahar tibbiyot birlashmasiga qarashli yuqumli kasalliklar shifoxonasi hududidan fuqaro S.Achilovga davlat xususiy sherikchilik asosida ijtimoiy “Tibbiy diagnostika” binosini qurish maqsadida 200 kv.metr yer maydoni ajratilganligi, shahar hokimi tomonidan yer ajratishga asos sifatida davlat xususiy sherikchilik bitimi asos qilingan bo‘lsa-da, S.Achilov hamda Respublika Sog‘liqni saqlash vazirligi o‘rtasida bitim tuzilmaganligi, shahar hokimligi tomonidan yer ajratishda Sog‘liqni saqlash vazirligi roziligi olinmaganligi, shuningdek O‘zbekiston Respublikasi Prezidentining 2018 yil 20 apreldagi PQ3677-sonli qaroriga asosan yer ajratish 2018 yil 1 iyuldan boshlab yuridik va jismoniy shaxslarga tadbirkorlik va shaharsozlik faoliyatini amalga oshirish uchun yer uchastkalarini doimiy foydalanishga berish “E-Ijro Auksion” orqali amalga oshirilishi belgilanganligi, biroq tadbirkor yer maydonini auksionsiz olganligi, bundan tashqari Shahrisabz shahar hokimligi X-3076/12–sonli qarorni qabul qilishda Shahrisabz tuman tibbiyot birlashmasi bilan kelishilmaganligini bildirib, arizani qanoatlantirishni so‘radi. Vaziyatga huquqiy baho bering.
JAVOB
Ushbu vaziyatga huquqiy baho berishda quyidagi qonun hujjatlaridan foydalanamiz.
1) Yer kodeksi,
2) Oʻzbekiston Respublikasi Prezidentining 3677-sonli qarori va boshqa normativ-huquqiy hujjatlar
Quyidagi muammoli vaziyatlarni aniqlab olamiz.
Birinchi muammo: shahar hokimi tomonidan S.Achilovga Tibbiy diagnostika binosini qurish maqsadida yer maydoni ajratilishi huquqiy jihatdan asoslimi?
Ikkinchi muammo: shahar hokimi yer ajratish jarayonida Respublika Sogʻliqni saqlash vazirligi bilan bitim tuzishi va vazirlikning roziligini olishi kerakmi?
Uchinchi muammo: hokim Shahrisabz tuman tibbiyot birlashmasi bilan kelishmasligi huquqiy jihatdan asoslimi?