Ma’muriy rejim

Vaziyatga huquqiy baho bering. Davlat boshqaruvida qonuniylikni taʼminlashda parlament nazoratining ahamiyatini tahlil qiling. Parlament so‘rovi yuborish tartibini tahlil qiling.
JAVOB
Ma’muriy nazorat
Ijro xokimiyati organlari tomonidan bevosita amalga oshiriladigan nazorat ularning ijro-idora qilish faoliyatining tarkibiy qismidir. U umumiy, ichki idoraviy va idora usti nazorati tasniflanadi
Umumiy nazorat umumiy vakolatli organlar -Xukumat, xokimiyatlar tomonidan amalga oshiriladi.
Ichki idoraviy nazorat barcha boshqaruv organlari – umumiy, soxaviy, va maxsus vakolatli organlar tomonidan moliya-xo‘jalik faoliyati ustidan taftish va tekshiruvlar usullari bilan amalga oshiriladi. Bunday nazoratni amalga oshirish uchun xukumat tomonidan tasdiqlangan qonun hujjatlari, vazirlik va davlat qo‘mitalari to‘g‘risidagi nizomlar, boshqa me’yoriy hujjatlar asos bo‘lib xizmat qiladi. Ichki idoraviy nazorat konkret davlat boshqaruvi organi oldiga qo‘yiladigan vazifalar bilan bog‘liq. Qator ijro xokimiyati organlarida idoraviy inspeksiyalar (so‘nggi vaqtlarda, monitoring bo‘limlari), ularning rahbarlari huzuridagi inspeksiyalar va boshqa tuzilmalar mavjud bo‘lib, ular vazirlik, idora tomonidan qabul qilingan qarorlar ijrosi tekshiruvini amalga oshiradi. Ichki idoraviy nazorat ijro xokimiyati organi kollegiyasi, yuridik bo‘lim va boshqa maxsus tuzilma bo‘linmalari orqali amalga oshirilishi mumkin.
Idora usti nazorati boshqaruv soxalarida yagona davlat siyosatini ta’minlash zaruriyati bilan shartlangan. U ba’zi vazirliklar, davlat qo‘mita va idoralari, shuningdek, nazorat maqsadlari uchun maxsus tuzilgan davlat inspeksiyalari, agentliklari tomonidan amalga oshiriladi.
Bunday nazoratni amalga oshirish uchun qonun hujjatlar, boshqa me’yoriy-huquqiy hujjatlar asos bo‘lib xizmat qiladi.Aksariyat ijro xokimiyati organlari o‘zlariga bo‘ysunmaydigan davlat organlari va tashkilotlari, xo‘jalik yurituvchi sub’ektlar ustidan funksional nazoratni amalga oshiradilar. Idora usti nazoratini shuningdek, ijro xokimiyati tarkibiga tashkiliy jihatdan kiruvchi yoki tashkiliy jixatdan mustaqil davlat inspeksiyalari ham amalga oshiradi. Ular ba’zi masalalar bo‘yicha boshqa vazirlik va idoralar tizimidagi boshqaruv organlari ishini nazorat qilish huquqiga ega. Ma’muriy nazorat jismoniy va yuridik shaxslar doirasiga nisbatan ularning qaysi idoraga bo‘ysunishi va mulk shaklidan qat’iy nazar, amalga oshiriladi.