Ma’muriy rejim

Ikkinchi muammoga nazar tashlaydigan bo’lsak, Ma’muriy hujjat muayyan davr oralig’ida yuridik kuchga ega bo’ladi. “Ma’muriy tartib-taomillar to’g’risida”gi Qonunning 58- moddasida ma’muriy hujjatning amal qilishini tugatish asoslari belgilab berilgan. Unga ko’ra ma’muriy hujjatning amal qilishi quyidagi hollarda tugatiladi:
1.Аgar ma’muriy hujjat muddatli xususiyatga ega bo’lsa, ma’muriy hujjatning amal qilish muddati o’tishi;
2.Ma’muriy hujjatning amal qilishini tugatish bilan bog’liq shartning yuzaga kelishi;
3.Ma’muriy hujjatning bekor qilinishi;
4.Tartibga solish predmetining barham topishi munosabati bilan tugatiladi.
Аgar ma’muriy hujjat muddatli xususiyatga ega bo’lsa, ma’muriy hujjatning amal qilish muddati o’tishi ma’muriy hujjatning amal qilishi tugatiladi. Masalan, litsenziya 5 yilga beriladi. Ushbu muddat ma’muriy hujjatda ko’rsatib qo’yiladi.
Ma’muriy hujjatning bekor qilinishi uchun alohida talablar mavjud. Tartibga solish predmetining barham topishi munosabati bilan tugatilishi ma’muriy hujjat qaratilgan ijtimoiy munosabatning tugashi bilan bog’liqdir. Masalan, agar avtomobil yonib ketsa, uning texnik pasportining amal qilishi ham tugaydi. Chunki, texnik pasport aynan yonib ketgan avtomobilga tegishlidir. Ma’muriy hujjatning amal qilishini tugatish uning asosida berilgan hujjatlar amal qilishining tugatilishiga olib keladi. Masalan, litsenziya berish to’g’risidagi ma’muriy hujjatning amal qilishining tugashi uning asosida berilgan litsenziya guvohnomasining ham amal qilishini tugashiga sabab bo’ladi.
Demak, ma’muriy hujjat manfaatdor shaxslarning arizasiga ko’ra yoki shikoyatiga ko’ra bekor qilinadi. Bundan boshqa shaxslar uni bekor qilishini so’rab murojaat etolmaydi. Shuningdek, ma’muriy hujjatni qabul qilgan ma’muriy organ o’z tashabbusiga ko’ra uni bekor qilish yoki o’zgartirishi mumkin. Buning uchun quyidagilar asos bo’lishi mumkin :
1.Qonun hujjatlaridagi o’zgartishlar;
2.Jamoat manfaatlariga bo’lgan tahdidning oldini olish;
3.Ma’muriy hujjatning qonun hujjatlariga nomuvofiqligi;
4.Qonunda nazarda tutilgan boshqa hollarda.
Bundan tashqari, qonun hujjatlarida ma’muriy hujjatning faqat sud tartibida bekor qilinishi yoki o’zgartirilishi mumkinligi hollari nazarda tutilishi mumkin. Ma’muriy hujjat qonun hujjatlariga muvofiq emas deb topilgan taqdirda, u ma’muriy organ tomonidan bekor qilinishi yoki o’zgartirilishi kerak.
Demak, yuqoridagi vaziyatdan kelib chqiqb bizda 2 xil fikr paydo bo’ladi. Agar Paxtaobod tuman hokimi 2019 yil 5 avgustdagi 5685-K-son qarorida Qonun hujjatlaridagi o’zgartishlar natijasida Jamoat manfaatlariga bo’lgan tahdidning oldini olish,Ma’muriy hujjatning qonun hujjatlariga nomuvofiqligi aniqlagan holda va ushbu kamchiliklarni bartaraf etish maqsadida bekor qilgan bo’lsa, uning ushbu harakati qonuniy hisoblanadi.Shuningdek ushbu holat yusazidan xabardor qilish kerak. Agarda Hokim hech qanday sabablarsz bunday qaror chiqarishi qonuniy assga ega hisoblanmaydi.