Маъмурий ва молия ҳуқуқи кафедрасининг 2020/2021 ўқув йили кузги семестр давомида ҳар бир фан хусусиятидан келиб чиққан ҳолда семестр давомида оралиқ назорат турини ўтказиш сони, шакли ва тартиби

Вазиятга ҳуқуқий баҳо беринг. Ўзбекистон Республикаси МСИЮтК тегишли моддалари ва бошқа қонун ҳужжатларидан фойдаланган ҳолда жавобингизни асосланг.


9-казус
Аризачи “А” фермер хўжалиги маъмурий судга ариза билан мурожаат қилиб, туман ҳокимининг 2019 йил 15 январдаги 111-сонли қарорини ҳақиқий эмас деб топишни сўраган.
Биринчи инстанция судининг ҳал қилув қарори билан аризани қаноатлантириш рад этилган.
Апелляция инстанцияси судининг қарори билан биринчи инстанция судининг ҳал қилув қарори ўзгаришсиз қолдирилган.
Ўзбекистон фермер, деҳқон хўжаликлари ва томорқа ер эгалари вилоят Кенгаши аризачи манфаатида судга назорат шикояти билан мурожаат қилиб, биринчи ва апелляция инстанцияси судларининг қарорларини бекор қилишни ва арз қилинган талабни қаноатлантиришни сўраган.
Судлов ҳайъати апелляция инстанцияси судининг қарорини бекор қилишни ва апелляция ҳамда назорат шикоятлари бўйича иш юритишни тугатишни лозим топган.
Вазиятга ҳуқуқий баҳо беринг.
Мазкур холатда қандай суд хужжати қабул қилиниши керак?
- Ўзбекистон Республикаси МСИЮК тегишли моддалари ва бошқа қонун ҳужжатларидан фойдаланган ҳолда жавобингизни асосланг;
- Тегишли маъмурий судлар инстанциялари қандай хатоликларга йўл қўйган.


10-казус
2018 йил 17 январь куни фуқаро А.Комилов Самарқанд вилоят Булунғур тумани ҳокимининг ер ажратишни рад этиш юзасидан қабул қилган қароридан норози бўлиб туман маъмурий судига мурожаат қилди. Туман суди А.Комиловнинг талабини қаноатлантириш ҳақида ҳал қилув қарорини қабул қилди. Суд ҳал қилув қарори қонуний кучга киргач беш кун ичида ижро варақасини берди. Суднинг ижро варақасига асосан Самарқанд вилояти Булунғур туман ҳокими томонидан А.Комиловга белгиланган муддатда ер ажратиш ҳақида қарор қабул қилинди.
Самарқанд вилояти Булунғур туман прокурори ҳал қилув қароридан норози бўлиб Самарқанд вилояти маъмурий судига кассация протестини киритди. Самарқанд вилояти маъмурий суди ишни кассация тартибида кўриб чиқиб туман маъмурий суди томонидан қабул қилинган ҳал қилув қарорини бекор қилиб, ишни янгидан кўриб чиқиш учун туман судига қайтарди.
Самарқанд вилояти Булунғур тумани ҳокимияти вакили туман судидан аввалги ижро варақаси асосида фуқарога ажратилган ерни қайтариб олиш мақсадида судга суд ҳужжатининг қайтарма ижроси тўғрисидаги ариза тақдим этди. Туман суди ҳокимият вакилига суд ҳужжатининг қайтарма ижроси тўғрисидаги масала ҳал қилув қарорини апелляция тартибида кўриб чиқиб бекор қилган суд томонидан ҳал этилиши кераклигини тушунтириб вилоят маъмурий судига мурожаат қилишни тушунтирди.